АБНА24 Хәбәр Верир ,ҝеҹә саатларында Гара дәниздә јерләшән “Москва” ракет крејсеринин ҝөјәртәсиндә инсидентлә бағлы мәлуматлар ҝәлмәјә башлајыб.
Әввәлҹә Русија Һәрби Дәниз Гүввәләринин Гара дәниз донанмасынын флагманынын ҝөјәртәсиндә јанғынла бағлы мәлумат дахил олуб, даһа сонра дөјүш ҝәмисинин екипажынын тәхлијәси илә бағлы мәлуматлар ҝәлмәјә башлајыб.
Бир мүддәт сонра Русија Мүдафиә Назирлији крејсердә сурсатларын партладығыны вә нәтиҹәдә ҝәмијә ҹидди зијан дәјдијини билдирди.
Мүдафиә Назирлијинин мәлуматларында билдирилир ки, ракет крејсериндә баш верән јанғынын сәбәбләри мүәјјәнләшдирилир.
Кијев исә иддиа едир ки, јанғын нәтиҹәсиндә “Москва” ракет крејсериндә партлајан сурсатлар ҝәмијә ҹидди зијан вуруб вә “Москва” ҝәмиси батыб.
Хатырладаг ки, "Москва" - Гара Дәниз Донанмасынын флагманы һесаб олунур.
1983-ҹү илдә “Слава” ады илә истифадәјә верилиб. 1996-ҹы илдә крејсер индики адыны алыб. Москва крејсери ҹидди һава һүҹумундан мүдафиә системинә маликдир, она ҝөрә дә һәрби ҝәминин һәдәфә алынмасы тәәҹҹүб доғурур.
342/
15 aprel 2022 - 10:24
Xəbər kodu: 1248135
Русијанын Мүдафиә Назирлији “Москва” ракет крејсериндә сурсатын партламасы барәдә мәлумат јајыб.
