АБНА24 Хәбәр Верир , Русија президенти Владимир Путин чәршәнбә ҝүнү Русија һөкумәтинин үзвләри илә ҝөрүшүндә билдириб ки, өлкә өз нүфузуна дәјәр вердији үчүн Русија әввәлки мүгавиләләрдә мүәјјән едилмиш һәҹмдә вә гијмәтләрлә газ тәдарүкүнү давам етдирәҹәк.
РФ лидери дејиб ки, Русија артыг газы рублла тәдарүк едәҹәк. Президент Мәркәзи Банка вә Назирләр Кабинетинә бир һәфтә әрзиндә Авропа илә рублла әмәлијјатларын апарылмасы гајдасыны мүәјјән етмәји тапшырыб.
“Малларымызы АИ вә АБШ-а ҝөндәриб өдәниши доллар вә авро илә алмағын мәнасы јохдур”, дејә Русија президенти вурғулајыб.
Путинин бу бәјанатындан сонра Русија валјутасы баһалашмаға башлајыб, долларын мәзәннәси 3 март тарихиндән илк дәфә олараг 100 рублдан ашағы ениб.
Владимир Путин билдириб ки, Гәрб өлкәләри Русијанын активләринин дондурулмасы илә бағлы гејри-гануни гәрарлар вермәклә өз милли валјуталарына инамы арадан галдырыблар.
342/
24 mart 2022 - 13:42
Xəbər kodu: 1241896
Русија президенти Мәркәзи Банка вә Назирләр Кабинетинә бир һәфтә әрзиндә Авропа илә рублла әмәлијјатларын апарылмасы гајдасыны мүәјјән етмәји тапшырыб.
