Сон Украјна олајлары

АБНА24 Хәбәр Верир , Кијев мери Витали Клычко иддиа едиб ки, Подолски рајонундакы партлајышлар тиҹарәт вә јашајыш биналарында баш вериб. Бу һүҹумлар заманы азы бир нәфәр өлүб.

Рус мәнбәләр билдирибләр ки, бу өлкә ордусу Хәзәр дәнизиндә јерләшән ҝәмиләриндән Украјнанын шәргиндәки һәдәфләрә сары бир нечә круз ракети атыбдыр.

Русијанын мүдафиә назирлији дүнән билдириб ки, бу өлкәнин гүввәләри «Кинжал» типли һиперсоник ракет системиндән Украјнанын һәрби објектләринин бомбаланмасында истифадә едибләр вә Житомирдә јерләшән бир тәлим мәркәзинин дәгиг шәкилдә бомбаланмасы заманы јүздән чох хүсуси тәјинатлы Украјна гүввәси мәһв едилибдир.

Русија мүдафиә назирлији гејд едибдир ки, бу ракетләр Гара вә Хәзәр дәнизләриндә јерләшән ҝәмиләрдән атылыбдыр.

Назирлијин сөзчүсү билдирибдир ки, Русијанын Украјнадакы хүсуси һәрби әмәлијјатларын башланмасындан бәри Русија силаһлы гүввәләри гаршы тәрәфин бүтөвлүкдә 207 ПУА-сы, 1467 танкы, 148 чохмәгсәдли минаатаны, 573 топу вә сәһра мәрмиси вә 1262 хүсуси һәрби автомобилини мәһв едибләр.

Украјна президенти Владимир Зеленски дә дүнән ҝеҹә өз ҝүндәлик видео-мүраҹиәтиндә «Русијанын бир мәктәбдәки мүлкиләрә һүҹуму» адландырдығы мәсәләни писләјиб.

Зеленскинин иддиасына ҝөрә, Русија јүзләрлә мүлкинин сығындығы бир мәктәби бомбардман едибдир.

Украјна президенти ејни заманда, мүһарибәјә сон гојмағын јеҝанә јолуну, өз рус һәмкары Владимир Путинлә бирбаша мүзакирә адландырыбдыр.

СОН УКРАЈНА ОЛАЈЛАРЫ

342/