АБНА24 Хәбәр Верир , Донетск силаһлы сепаратчы груплашмасы Степное јашајыш мәнтәгәсини әлә кечириб.
Русија МН-ин рәсмиси Игор Конашенков билдириб ки, Украјна ордусу ҝери чәкилир:
“Һазырда Донетск силаһлы гүввәләри ҝери чәкилән Украјнанын 53-ҹү механикиләшдирилмиш бригадасыны тәгиб едир. Украјна бригадасынын 25 әсҝәри өлдүрүлүб, ики танк, ики ПДМ, 5 һәрби машын мәһв едилиб”.
Онун сөзләринә ҝөрә, Донетскин “икинҹи һәрби бирләшмәси” 3 км ирәлиләјәрәк, Каменка-Верхнеторетское јолуна чыхыб, һазырда бу истигамәтдә дөјүшләр ҝедир.
Конашенков гејд едиб ки, бүтөвлүкдә ҝеҹә әрзиндә баш верән дөјүшләрдә 40-а гәдәр Украјна әсҝәри өлдүрүлүб. Һүҹум давам едир.
Конашенко һәмчинин әҹнәби муздлуларын базасынын Русија ордусу тәрәфиндән вурулдуғуну сөјләјиб.
О билдириб ки, Житомир вилајәтинин Овруч јашајыш мәнтәгәсинә јүксәкдәгигликли ракетлә зәрбә ендирилиб:
“Һәмин әразини Украјнада дөјүшмәјә ҝәлән әҹнәби муздлулар база кими истифадә едирди. Зәрбә нәтиҹәсиндә 100-дән чох муздлу вә һәрбчи өлүб”.
Гејд едәк ки, Конашенков бу ҝүн “Хәнҹәр”лә јанашы, “Калибр”ләрдән дә истифадә едилдијини тәсдигләјиб.
342/
21 mart 2022 - 09:06
Xəbər kodu: 1241191
Русијанын Мүдафиә Назирлији Украјнада ҝедән әмәлијјатларын уғурлу олдуғуну иддиа едир.
