АБНА24 Хәбәр Верир , бу ҝүн сәһәр баш верән ҝүҹлү зәлзәлә нәтиҹәсиндә бир нечә електрик дирәјинин сүгут етмәсинин ардынҹа Меһран рајонунун Исламабад, Әнҹирә, Хурчаһ, Бонкуһ вә Һерсин, һәмчинин Бәстәк рајонунун бәзи кәндләриндә електрик ҹәрәјаны кәсилиб.
Бу ҝүн сәһәр јерли вахтла саат алты-үч дәгигәдә јерин он километр дәринлијиндә баш верән ҝүҹлү јералты тәкан Һормозган вилајәтинин Кухерд рајонунун әразисини титрәјишә салыб. Гырмызы Ајпара Ҹәмијјәтинин дәјәрләндирмә дәстәләри дәрһал һадисә јеринә ҝөндәрилибләр.
Һормозган вилајәтинин Гырмызы Ајпара Ҹәмијјәтинин баш директору Мухтар Сәләһшур дејиб ки, апарылмыш арашдырмалара әсасән, индијәдәк Бәндәр-Ленҝә лиманында проблем јашанмајыбдыр.
Һормозган валилијинин бөһраны идарәетмә идарәсинин баш директору Меһрдад Һәсәнзадә дә билдириб ки, дәрһал һадисә јеринә ҝөндәрилән дәјәрләндирмә дәстәләри еһтимал едилән һәр һансы хәсарәти мүәјјән етмәк үчүн бөлҝәни арашдырмагдадырлар.
Бәстәк рајонунун иҹра башчысы Вәли Бестан исә билдирибдир ки, индијә кими бу зәлзәләдә инсан тәләфаты хәбәр верилмәјибдир.
342/
18 mart 2022 - 09:31
Xəbər kodu: 1240357
Иранын ҹәнубунда јерләшән Һормозган вилајәтиндә Рихтер шкаласы илә алты бал ҝүҹүндә баш верән јералты тәкан нәтиҹәсиндә вилајәтин бәзи бөлҝәләринин ишығы кәсилиб.
