АБНА24 Хәбәр Верир ,Украјнанын Мүдафиә Назирлијиндән билдирибләр ки, Русијанын ирәлиләмә сүрәти әһәмијјәтли дәрәҹәдә азалыб.
Гејд олунур ки, Чернигов, Кијев, Николајев вә өлкәнин ҹәнуб сәрһәдләринин мүдафиәси давам едир. Һәмчинин Украјна Һава Һүҹумундан Мүдафиә гүввәси русларын ракет-авиасија һүҹумунун гаршысыны алыр.
Бунунла белә мартын 7-дән 8-нә кечән ҝеҹә Русија гырыҹылары Украјнанын Сум шәһәрини бомбалајыб.
Украјна Дөвләт Фөвгәладә Һаллар Хидмәтинин мәтбуат катиблији билдириб ки, бомбардман нәтиҹәсиндә 2-си ушаг олмагла, 9 динҹ сакин һәлак олуб.
Бу арада иддиа олунур ки, февралын 24-дән индијәдәк Русија ордусунун 2 минәдәк һәрбчиси әсир ҝөтүрүлүб.
Буну Украјнанын дахили ишләр назиринин мүшавири Антон Ҝерашенко билдириб.
Ҝерашенко әлавә едиб ки, әсир ҝөтүрүләнләр әсасән дөјүшдән сонра мешәлик әразиләрә гачанлардыр.
Украјна мәнбәләринин башга бир мәлуматына әсасән, Русија ордусунун ҝенерал-мајору Витали Ҝерасимов Украјнанын Харков шәһәри јахынлығында өлдүрүлүб.
Гејд едәк ки, мартын әввәлләриндә Украјна Силаһлы Гүввәләри Русија Силаһлы Гүввәләри 41-ҹи орду команданынын мүавини, 7-ҹи десант дивизијасынын кечмиш команданы ҝенерал-мајор Андреј Суховетскини өлдүрүб.
Бу арада Алманија Украјнаја малијјә јардымыны, һәмчинин силаһ тәдарүкүнү артырыб.
Алманија канслери Олаф Шолтс һәмчинин дејиб ки, АБ, НАТО вә Ҝ7 чәрчивәсиндә Русијаја гаршы санксијалар давам етдириләҹәк.
342/
9 mart 2022 - 05:00
Xəbər kodu: 1237493
Русија ордусу ирәлиләмәкдә давам етсә дә, Украјна һөкумәти мүһарибәнин ҝедиши барәдә там фәргли мәлуматлар јајыр.
