АБНА24 Хәбәр Верир ,Зејнәлабидин Рәзәви-Хүррәм дүнән Ҹулфа сәрһәд терминалындан бахыш кечирәркән әлавә едиб: Ҹулфа-Нахчыван дәмирјолу истигамәтиндә гатарларын һәрәкәти, Иран вә Нахчыван Мухтар Республикасынын бирҝә һәдәфидир вә ишин сүрәтләнмәси үчүн мөвҹуд манеәләр арадан галдырылмалыдыр.
Иран дөвләтинин гоншу өлкәләрлә әлагәләрин ҝенишләндирилмәси зәминләринин јарадылмасы үзрә сијасәтинә тохунан Шәрги Азәрбајҹан вилајәтинин валиси дејиб: Азәрбајҹан Республикасы вә Нахчыванла туризмин ҝенишләндирилмәси истигамәтиндә ҹәлбедиҹи тиҹарәт вә туризм пакетләри ишләниб һазырланыбдыр.
Иран Ислам Республикасынын Нахчывандакы баш консулу Сејид Әһмәд Һүсејни дә реҝионун јени бир шәраитлә үзләшдијини билдириб. Гејд едиб ки, реҝионун нәглијјат саһәсиндә јени һадисәләр баш верибдир.
Һүсејни әлавә едиб: Гоншу өлкәләрин халглары Иранла ҝедиш-ҝәлишә бөјүк мараг ҝөстәрирләр вә сәрһәд вилајәтләри бу өлкәләрин вәтәндашларынын ҝедиш-ҝәлишләри үчүн өз инфраструктурларыны һазырламалыдырлар.
342/
9 mart 2022 - 04:56
Xəbər kodu: 1237488
Иранын Шәрги Азәрбајҹан вилајәтинин валиси дејиб ки, Ҹулфа-Нахчыван дәмирјолу истигамәтиндә гатарларын һәрәкәтинин төһфәси, ҝениш тиҹари, туризм вә дипломатик мүбадиәләрдир.
