АБНА24 Хәбәр Верир , 1456 ил өнҹә белә бир ҝүндә, рәҹәб ајынын 27-дә һәзрәт Мәһәммәд (с.ә.с) Аллаһ-Таала тәрәфиндән пејғәмбәрлијә тәјин олунду.
О заман һәзрәт Мәһәммәдин(с.ә.с) 40 јашы вар иди. О, һәлә ушаглыг илләриндә јарадылыш барәдә дәрин бахышлара малик иди. Даим инсанын алилији вә кәрамәти барәдә дүшүнәрди. Сәдагәт, әманәтә сәдагәт вә хејирхаһлыг о һәзрәтин мәһшур хүсусијјәтләриндән иди.
Һәзрәт Мәһәммәд (с.ә.с) вахтынын чохуну ибадәт етмәк, дүшүнмәк, Мәккәнин шималында, Нур дағында олан Һера мағарасына чәкилмәк вә Аллаһа ибадәт етмәклә мәшғул оларды. Белә бир ҝүндә Һера мағарасында оларкән вәһј мәләји, ҹәнаб Ҹәбрајыл назил олур вә һәзрәт Мәһәммәдә (с.ә.с) Аллаһ тәрәфиндән пејғәмбәр тәјин олдндуғу барәдә мүждә верир. О андан о һәзрәтин сонунҹу илаһи пејғәмбәр олараг ағыр миссијасы башланмыш олду.
Һәзрәт Мәһәммәдин (с.ә.с) пејғәмбәрлијә тәјин олундуғу ҝүн инсанын ширк, әдаләтсизлик, ајры-сечкилик, ҹәһаләт вә позғунлугдан ниҹат јолуна гәдәм басдығы ҝүндүр.
342/
1 mart 2022 - 08:29
Xəbər kodu: 1234601
Бу ҝүн 1443-ҹү һиҹри гәмәри или рәҹәб ајынын 27-си, 2022-ҹи милад или мартын 1-и әзиз Ислам пејғәмбәри һәзрәт Мәһәммәдин (с.ә.с) бесәтинин илдөнүмү ҝүнүдүр.
