Зеленски Кијеви тәрк едиб

АБНА24 Хәбәр Верир , Русија гүввәләринин Украјнаја һүҹумунун икинҹи ҝүнүндә бу һадисәјә олан бејнәлхалг реаксијалар давам етмәкдәдир. Белә бир һалда, мүһарибә аловунун давам етмәсилә бир заманда, Русијаја гаршы бејнәлхалг санксијалар, тәһдидләр, дипломатик тәзјигләр артыбдыр.

Русија билдириб ки, бу өлкәнин Украјнадакы әмәлијјатлары мүһарибәнин башланмасы јох, дүнја сәвијјәсиндә бир мүһарибәнин гаршысыны алмаг үзрә бир аддымдыр. Амма Авропа өлкәләри вә Америка бу һәрәкәтин писләнилмәсиндән дәрһал сонра Русија әлејһинә икигат сијаси вә игтисади тәзјигләр үзрә гәрарларындан сөз ачыблар.

Владимир Путин чинли вә суријалы һәмкарлары илә телефон сөһбәтләриндә онларла/ Русијанын Украјнадакы һәрби әмәлијјатлары вә Украјнанын дуруму барәдә фикир мүбадиләси апарыб вә Москванын јүксәк сәвијјәдә Кијевлә мүзакирәјә һазыр олдуғуну билдириб.

Кремлин мәтбуат хидмәти бу ҝүн бир бәјанатда билдириб ки, Сурија президенти Бәшшар Әсәд Путинлә сөһбәтдә Дәмәшгин Русијанын Донбас бөлҝәсинин сакинләрини мүдафиә үзрә һәрби әмәлијјатына гәтијјәтли дәстәјини елан едиб.

Чин президенти дә өз рус һәмкары илә телефон данышығында дејиб ки, Пекин Русија илә Украјна арасындакы ихтилафларын мүзакирә јолу илә һәллини истәјир.

Медиалар рус һәрбчиләрин Кијевә дахил олдугларыны билдирирләр.

Украјнанын мүдафиә назирлији дә бу өлкә халгындан истәјибдир ки, евдән чөлә чыхмасын, лакин «Молотов коктејли» һазырлајыб, рус гүввәләрә тәрәф атсын.

Бир рус медиа иддиа едибдир ки, Зеленски Кијеви тәрк едиб вә һазырда пајтахтанда кәнарда јерләшән бир бөлҝәдәки јералты сығынаҹагдадыр. Бу рус медиа ону да иддиа едир ки, Украјна президенти һәмин јералты сығынаҹагдан фәрманлар верир вә онун Украјнанын битәрәф мөвгеји барәдә Кијевин Русија илә мүзакирә үчүн һазырлығы барәдәки сөзләри дә мәһз бу мәкандан бәјан едилибдир.

НАТО-нун баш катиби Јенс Столтенберг ҸНН илә мүсаһибәдә билдириб ки, НАТО үзвләри Украјнаја дәстәкләрини давам етдирмәјә һазырдырлар. Бунунла белә, инди данышдығымыз анда чох дәјишкән вә мүрәккәб бир мејдан вәзијјәтилә үз-үзәјик.

Түркијәнин хариҹи ишләр назири Мөвлуд Чавушоғлу да билдирибдир ки, бу өлкә Русија һәрби ҝәмиләринин Босфор боғазындан кечмәклә Гара дәнизә әлчатан олмаларына мане ола билмәз. Зира бејнәлхалг мүаһидәнин бир бәндинә әсасән, ҝәмиләр өз әсас гәрарҝаһларына ҝери дөнмәк иҹазәсинә маликдирләр.

Украјна бундан өнҹә Түркијәдән истәмишди ки, Русија һәрби ҝәмилләринин Гара дәнизә чыхан Босфор вә Дарданел боғазларындан кечмәләринә мане олсун.

Аз өнҹә Русија президентинин сөзчүсү Дмитри Песков билдирди ки, бу өлкәнин президенти Владимир Путин Украјна президенти Владимир Зеленскинин диалог үзрә хаһишинә әсасән, мүзакирә үчүн Минскә бир нүмајәндә һејәти ҝөндәрәҹәк.

Телеграф гәзети мүәјјән ҝөрүнтүләр јајмагла јазыбдыр ки, Украјна пајтахты Кијев рус гүввәләрини гаршылмаға вә онларла мүбаризәјә һазыр олуб вә украјналы һәрбчиләр бу шәһәрин ҝириш јолларында јерләшибләр.

342/