АБНА24 Хәбәр Верир , Кијевин разылығы, еләҹә дә БМТ Тәһлүкәсизлик Шурасынын санксијасы олдуғу тәгдирдә Коллектив Тәһлүкәсизлик Мүгавиләси Тәшкилаты (КТМТ) Донбасса сүлһмәрамлы ҝөндәрә биләр. Буну КТМТ-нин баш катиби Станислав Зас дејиб.
КТМТ баш катиби Реутерс аҝентлији илә мүсаһибәдә гејд едиб ки, һипотетик олараг, буну Украјнанын разылығыјла ҝерчәкләшдирмәк олар. Чүнки ора онун әразисидир. Әҝәр БМТ Тәһлүкәсизлик Шурасынын мандаты вә еһтијаҹ јаранарса, бу гәрары бизим бүтүн дөвләтләримиз дәстәкләјәр.
Зас әлавә едиб ки, КТМТ вә үзвләри ҝүҹ тәтбиг едилмәси илә бағлы истәнилән гәрары һәмишә һәртәрәфли ҝөтүр-гој едирләр, лазым олдугда исә тәшкилат сүлһмәрамлылары тез бир заманда ҝөндәрә биләр.
Бундан өнҹә Русија ХИН бејнәлхалг тәшкилатлар департаментинин директору Пјотр Илјичов билдириб ки, БМТ сүлһмәрамлыларынын Донбассда јерләшдирилмәси мәсәләси бағланыб вә мүзакирә олунмур. Һазырда Русија илә Украјна сәрһәдиндә БМТ сүлһмәрамлы миссијасынын јерләшдирилмәси ҝәрәк дејил, онлар Украјнадахили проблеми һәлл едә билмәјәҹәкләр.
Засын белә бир бәјанатла чыхыш етмәси елә бир һалдадыр ки, Украјна КТМТ-нин үзвү олан Газахыстандан фәргли олараг Рус НАТО-суну мүдахиләјә чағыра билмәз, Русија исә дөвләт сәрһәдинин Украјна ордусу тәрәфиндән позулдуғу һалда КТМТ-нин мүдахиләсини тәмин едә вә гоншу өлкәјә гаршы һәрби әмәлијјатларыны әсасландыра биләр. Лакин Кијевин белә бир аддым атмасы инандырыҹы дејилдир.
342/
20 fevral 2022 - 08:39
Xəbər kodu: 1231393
КТМТ рәһбәри билдириб ки, тәшкилат сүлһмәрамлылары тез бир заманда ҝөндәрә биләр.
