АБНА24 Хәбәр Верир, АБШ президентинин рејтингинин сүгут етмәсинин давамында ҹүмә ахшамы јајылан ҸНН телеканалынын јени рәј сорғусуна әсасән, американларын әлли сәккиз фаизи билдириб ки, Бајденин фәалијјәтини тәсдиг етмир. Респондентләрин тәкҹә гырх бир фаизи ону тәсдиг едибдир.
Америка һөкумәти мүхтәлиф һалларда, о сырадан хариҹи сијасәт, корона епидемијасынын идарә олунмасы вә инфлјасија илә бағлы, сијаси ҹәрәјанлар тәрәфиндән тәнгид олунуб.
Рәј сорғуларынын нәтиҹәләри демократларын нојабр ара сечкиләри һагда һәјәҹан сигналы чалмаларына баис олуб. Онлар хәбәрдарлыг едибләр ки, белә бир ашағы рејтинг, конгресин һәр ики палатасында республикачылар гаршысында мәғлубијјәт вә онларын нүмајәндәләр палатасына вә сената јијәләнмәләрилә нәтиҹәләнә биләр.
ҸНН-ин рәј сорғусу 1527 јухарыјашлы америкалынын иштиракы илә јанварын онундан февралын алтысынадәк рәгәмсал вә ја телефон формасында кечирилиб вә онун хәта дәрәҹәси, үч там онда үч фаиз олубдур.
342/
12 fevral 2022 - 11:28
Xəbər kodu: 1228728
Америкада апарылмыш сон рәј сорғулары да Ҹо Бајденин рејтингинин ашағы дүшмәси вә халгын онун һөкумәтинин фәалијјәтиндән наразы олмасынын артмасындан сөз ачыр.
