Нед Прајс: Исраилин һәрәкәтләри апартеидин бир һиссәси дејил!

АБНА24 Хәбәр Верир, Америка Бирләшмиш Штатлары Бејнәлхалг Амнистија Тәшкилатынын Исраил илә бағлы һесабатына кәскин реаксија вериб, ону антисемитизм кими писләјиб вә һәлә һесабатын рәсми дәрҹиндән әввәл ону "гејри-дәгиг вә гәрәзли" адландырыб.

Дөвләт Департаментинин сөзчүсү Нед Прајс дејиб: "Биз Исраилин һәрәкәтләринин апартеидин бир һиссәси олдуғуна даир фикирләри рәдд едирик. Дөвләт Департаментинин һесабатларында белә бәјанатлардан һеч вахт истифадә олунмајыб".

Вашингтонун сионист режимин гејри-инсани әмәлләрини һәртәрәфли мүдафиә етмәси вә һәтта фәләстинлиләрә гаршы апартеиди инкар етмәси АБШ-Исраил мүнасибәтләринин маһијјәтини вә Вашингтонун һәр бир шәраитдә вә гејд-шәртсиз сионист режими дәстәкләмәк барәдә өһдәлијини ҝөстәрир.

Ҹо Бајден һөкумәтинин инсан һаглары мәсәләләринә хүсуси диггәт јетирдији дејилсә дә, Исраилин фәләстинлиләрә гаршы гејри-инсани һәрәкәтләриндә бу мүлаһизәләрин һеч бир вәҹһлә нәзәрә алынмадығы ајдындыр.

Бејнәлхалг һүгуга, хүсусән дә Бејнәлхалг Ҹинајәт Мәһкәмәсинин тәсис едилдији Рома Әсаснамәсинә ҝөрә, апартеид инсанлыға гаршы ҹинајәтдир. Сионист Исраилин сон бир нечә онилликдә, хүсусилә 1967-ҹи илдә ишғал олунмуш әразиләрдә фәләстинлиләрә гаршы һәрәкәтләри һәмишә етник ајры-сечкилијә әсасланыб вә бу режим Гәрб Саһилинин бөјүк һиссәсиндә ајырыҹы диварлар чәкәрәк фәләстинлиләри әһатәјә алмаг үчүн давамлы сәјләр ҝөстәриб.

Бу исә о демәкдир ки, сионист режим системли шәкилдә фәләстинлиләрә гаршы ајры-сечкилик едир вә бу, ишғал олунмуш әразиләрдә, о ҹүмләдән Иордан Чајынын Гәрб Саһилиндә ән кәскин шәкилдә өзүнү ҝөстәрир.

Тәбии ки, сионист режимин фәләстинлиләрә гаршы гејри-инсани һәрәкәтләри тәкҹә апартеидлә мәһдудлашмыр, бу режим һәм дә јәһуди сакинли јашајыш мәнтәгәләрини ҝенишләндирмәк вә мүмкүн гәдәр даһа чох сионисти Гәрб саһилинин мүхтәлиф бөлҝәләриндә мәскунлашдырмагла фәләстинлиләрин торпагларыны мүтәмади олараг әлә кечирир.

Диҝәр тәрәфдән Исраил ардыҹыл олараг Гәззә золағына гаршы гәддар һүҹумлар һәјата кечириб, фәләстинлиләри өлдүрүб, онларын инфраструктуруну вә евләрини дағыдыб вә 2007-ҹи илдән әһалинин сых мәскунлашдығы Фәләстин бөлҝәсини мүһасирәјә алыб. Исраилин бу һәрәкәти инсанлыға гаршы ҹинајәтин бариз нүмунәсидир. Бу сәбәбдән БМТ Инсан Һаглары Шурасы да дахил олмагла инсан һаглары тәшкилатлары вә гурумларынын һесабатларына ҝөрә, Исраил режими дүнјада ән бөјүк инсан һагларыны позанлардан биридир, бунунла белә АБШ ҹинајәткар вә апартеид режиминә тәәссүбкешлик нүмајиш етдирир.

342/