АБНА24 Хәбәр Верир, Иран Хариҹи Ишләр Назирлији Исламын рәшадәтли ҝенералы, ҝенерал-лејтенант пасдар Гасым Сүлејманинин шәһадәтинин икинҹи илдөнүмү әрәфәсиндә бир бәјанат јајыб.
Бәјанатда дејилир: Америка һөкумәти икили стандартлар тәтбиг етмәк вә терроризмлә мүбаризә иддиасы да дахил олмагла јалан иддиалар ирәли сүрмәклә бејнәлхалг принсип вә гајдалары позан ҹинајәткарҹасына бир һәрәкәтдә ев саһиби олан Ираг өлкәсинин әразисиндә Иран Ислам Республикасынын јүксәк дәрәҹәли рәсмиләриндән олан ҝенерал Сүлејманијә гаршы террор һүҹуму планлашдырыб, һәјата кечирди.
Бәјанатда сонра дејилир: Американын озаманкы башчыларынын терроризмлә мүбаризәнин бејнәлхалг гәһрәманынын әјани шәкилдә террор едилмәси үзрә һәрәкәти терроризмлә мүбаризә иддиачыларынын јаланчылығыны ашкар шәкилдә ифша едән террор групларына бир дәстәкдир.
Иран Хариҹи Ишләр Назирлијинин бәјанатында даһа сонра билдирилир: Ҝенерал Сүлејманинин, Әбу-Меһди Әлмүһәндисин вә онлары мүшајиәт едәнләрин шәһадәти нәинки мүгавимәт меһвәринин имканларыны азалтмады, әксинә, бир тәрәфдән, Иранын дахили мүһитиндә башдан-баша милли бирлик јаратды, диҝәр тәрәфдән исә мүгавимәт стратеҝијасы вә дискурсуну даһа артыг бүрузә верди.
Иран Хариҹи Ишләр Назирлији вурғулајыб: Шүбһәсиз, Американын ҝенерал Сүлејманини шәһид етмәк үзрә ҹинајәткарҹасына һәрәкәти, бу өлкәнин озаманкы һөкумәти тәрәфиндән мүтәшәккил сурәтдә планлашдырылыб, һәјата кечирилән «террор һүҹуму»нун бир нүмунәси олуб вә һазырда да онун мәсулијјәти Ағ Ев-ин үзәринә дүшүр.
Иран Хариҹи Ишләр Назирлијинин бәјанатында һәмчинин дејилир: Мәсәләни изләмәк мәгсәдилә сијаси, һүгуги, бејнәлхалг вә үмуми дипломатија истигамәтләриндә хејли сајда аддымлар атылыб вә бу ҹинајәтә ҝөрә, Америка һөкумәтинин бејнәлхалг сәвијјәдә етик, сијаси вә һүгуги ҹәһәтләрдән писләнилмәси, әлдә олунан нәтиҹәләрдән олуб.
342/
31 dekabr 2021 - 12:32
Xəbər kodu: 1214011
Иран Хариҹи Ишләр Назирлији билдириб ки, ҝенерал-лејтенант пасдар шәһид Гасым Сүлејмани даима Иран Ислам Республикасынын реҝион вә дүнја сәвијјәләриндә сүлһ вә сабитлијин бәргәрарына көмәк үзрә принсипиал сијасәтләри истигамәтиндә рол ојнајыб.
