АБНА24 Хәбәр Верир, телефон данышығында Бајден русијалы һәмкарыны Украјна илә ҝәрҝинлији азалтмаға чағырыб вә " әһәмијјәтли ирәлиләјишин јалныз ҝәрҝинлијин азалдылмасы шәраитиндә баш верә биләҹәјини" тәкрарлајыб, Ағ Евин сөзчүсү Ҹејн Псаки билдириб.
Кремл исә өз нөвбәсиндә билдириб ки, јени санксијалар Москва илә Вашингтон арасында мүнасибәтләри тамамилә поза биләҹәји үчүн, бу бөјүк сәһв олаҹаг.
Сөһбәт Москванын тәшәббүсү илә баш тутуб, Вашингтонун әсас мәгсәди ики өлкә арасында тәһлүкәсизлик мәсәләләри илә бағлы гаршыдан ҝәлән данышыгларын “тонуну мүәјјән етмәк” олуб. АБШ администрасијасынын јүксәк рүтбәли рәсмисинин сөзләринә ҝөрә, Бајден вә Путин арасында сөһбәтин тону “ҹидди” олуб.
АБШ Президенти Ҹозеф Бајден Русија Президенти Владимир Путинлә сөһбәтиндә һәр ики өлкәнин Авропанын вә үмумиликдә дүнјанын тәһлүкәсизлијинин тәминатында хүсуси мәсулијјәт дашыдығыны вурғулајыб.
Кремлин мәтбуат хидмәтинин ачыгламасына ҝөрә исә, Телефон сөһбәтиндә әсасән тәһлүкәсизлик мәсәләләри үзрә данышыглара башланмасы мүзакирә едилиб.
"Бу контекстдә Ҹозеф Бајден Авропанын вә үмумиликдә дүнјанын тәһлүкәсизлијинин тәминатында Русија вә Американын хүсуси мәсулијјәт дашыдыгларыны вурғулајараг гејд едиб ки, Вашингтон Украјна әразисиндә һүҹум-зәрбә силаһлары јерләшдирмәк нијјәтиндә дејил", - мәлуматда билдирилир.
Хатырладаг ки, Вашингтон вә Москва рәсмиләри Москванын тәһлүкәсизлик тәләбләрини мүзакирә етмәк үчүн јанварын 10-да Ҹеневрәдә ҝөрүшмәлидирләр. Һәмин һәфтә Русија рәсмиләри НАТО вә АТӘТ Даими Шурасынын нүмајәндәләри илә дә ҝөрүшәҹәкләр.
342/
31 dekabr 2021 - 12:28
Xəbər kodu: 1214006
Декабрын 30-да АБШ президенти Ҹо Бајден илә Русија президенти Владимир Путин арасында 50 дәгигәлик телефон данышығы баш тутуб.
