АБНА24 Хәбәр Верир, Ермәнистанын икинҹи президенти Роберт Кочарјан баш назир Никол Пашинјанын јүрүтдүјү сијасәти кәскин тәнгид едиб. О, Пашинјан һакимијјәтинин тәһлүкәсизликдән тутмуш хариҹи сијасәт, тәблиғат, игтисадијјат вә сосиал мәсәләләрәдәк Гарабағ тәнзимләмәсинин бүтүн сфераларында ифласа уғрадығыны билдириб. Кочарјан гејд едиб ки, Ермәнистан Гарабағ мәсәләсиндән әлини үзүб.
Милләт вәкили Арзу Нағыјев бу барәдә Спутник Азәрбајҹан порталына дејиб ки, сон ҝөрүшләрдән сонра Пашинјанын чыхышлары мүсбәт аддым кими гијмәтләндирилмәлидир. Бу ҝүн Азәрбајҹанла сүлһ мүгавиләси имзаланмаса, кечмиш мүнагишә бөлҝәсиндә сепаратчыларын статус сәрсәмләмәләри ортадан галхмаса, Ермәнистан бундан ағыр зијан чәкәҹәк.
Милләт вәкили гејд едиб ки, ҝөрүшләрин һеч бириндә статус мәсәләсиндән данышылмыр. Сәрһәдләрин мүәјјән едилмәси, коммуникасијаларын ачылмасы вә Зәнҝәзур дәһлизинин ишә салынмасы тәрәфләр арасында мүзакирә олунан әсас мөвзулардыр.
Политолог Әһмәд Әлили исә һесаб едир ки, сон мүһарибәдә Гарабағын итирилмәси илә нәтиҹәләнән мәғлубијјәт Ермәнистан сијаси мүһитиндә узунмүддәтли проблемләрә ҝәтириб чыхараҹаг. Чүнки Пашинјанын рәһбәрлик етдији фраксија парчаланмаја мәруз галыб. Араик Һарутјунјанын да сон вердији бәјанатлар буну ҝөстәрир.
342/
30 dekabr 2021 - 15:08
Xəbər kodu: 1213872
Кочарјан мејдан сулајыр. Ермәнистан дахилиндәки реваншист гүввәләр Азәрбајҹанла сүлһ просесинин ҝедишатындан нараһатдырлар.
