АБНА24 Хәбәр Верир, Иранын мүзакирә һејәтинин башчысы Әли Багири дүнән Инҝилтәрә, Франса вә Алманија һејәтләринин башчылары, һәмчинин Авропа Бирлијинин хариҹи фәалијјәт хидмәти үзрә баш катиб мүавини Енрике Мора илә ики вә чохтәрәфли иҹласлар кечириб.
Иран илә 4+1 групу арасында експерт иҹласлары да санксијаларын ләғви мәсәләси үзәриндә тәмәркүзләшмә илә давам едиб. Бу ҝүн дә иҹласлар елә һәмин истигамәтдә давам едәҹәк.
Мәлуматлара ҝөрә, данышыгларда иштирак едән өлкәләр арасында ихтилаф нөгтәләри өнҹәки раунда нисбәтән азалмаја доғру ҝедиб вә мүзакирәләр просеси даһа рәван олубдур.
Багири дүнән ҝеҹә гаршы тәрәфләрлә иҹласлар баша чатдыгдан сонра данышыглар просесини мүсбәт дәјәрләндириб. Билдириб ки, данышыглар јахшы ирәлиләјир.
Русијанын Вјана мүзакирәләриндәки нүмајәндәси Михаил Улјанов да дејибдир ки, Иран истисна олмагла нүвә анлашмасы тәрәфләри америкалы һејәтлә ҝөрүшдә мүзакирәләрин мүсбәт просесиндән разылыг едибләр.
Иранын мүзакирә һејәти мүзакирәләрин бу раундунда бири санксијаларын тәсирли ләғви, диҝәри исә Иранын нүвә өһдәликләри барәдә олан ики јени илкин мәтн тәгдим едиб. Онлара әсасән, нүвә өһдәликләринин јеринә јетирилмәси Ирана гаршы залымҹасына санксијаларын ләғвиндән асылы олаҹаг.
Иранын мүзакирә һејәтинин әсас тәләбләриндән бири, Америка тәрәфиндән лазыми зәманәтләрин верилмәсидир.
342/
30 dekabr 2021 - 15:06
Xəbər kodu: 1213870
Ирана гаршы санксијаларын ләғвинә даир Вјана мүзакирәләринин сәккизинҹи раундунун үчүнҹү ҝүнүндә иштиракчылар мүзакирә просесини мүсбәт вә ирәлијә доғру ҝедән мүзакирә кими дәјәрләндирибләр.
