АБНА24 : Иранын мәһкәмә һакимијјәтинин бејнәлхалг мәсәләләр үзрә рәис мүавини вә инсан һаглары гәрарҝаһынын катиби Франсанын дахили ишләр назири Жералд Дарманенин бу өлкәнин сепаратчылыг вә екстремизмә гаршы ганунларына әсасән, 21 мәсҹидин бағланмасы вә алты диҝәр мәсҹидин бағланмасы програмына даир хәбәринин елан олунмасына реаксијада Франса һөкумәтиндән бу өлкә мүсәлманларына гаршы ганунларыны јенидән нәзәрдән кечирмәсини истәјиб.
Казым Гәрибабади бир твиттдә јазыб: Гәрб јанашмасында террорчулар Иранда инсан һүгугларынын мүдафиәчиләридирләр вә Гәрб өлкәләриндә дин азадлығы терроризмә бәрабәрдир.
Франса ҹәмијјәтиндә мүсәлманларын вәтәндаш һүгугларына гаршы һәрәкәтләрин фонунда гејд едәк ки, Франсанын вәтәндаш ганунлары нөгтеји-нәзәриндән, бу өлкәнин мәтбуаты дахил олмагла медиаларында һөрмәтсиз тәсвирләр вә ифадәләрин јајылмасы вә сүлһ вә әдаләт Пејғәмбәри(с.ә.с)-ин мүгәддәслијинә гаршы һөрмәтсиз карикатураларын јенидән јајылмасы «сөз азадлығы» адландырылыр. Бир милјарддан чох мүсәлманын емосијаларына хәләлин ҝәлмәсинә баис олан бу һөрмәтсиз һәрәкәтләр вә онун тәкрарланмасы елә бир һалда мүдафиә олунур ки, бүтүн Авропа дөвләтләри, о сырадан Франса дөвләти Мүлки вә Сијаси Һүгуглар Һаггында Бејнәлхалг Пакт-ын 18-ҹи маддәсиндә гејд олунан иҹбари инсан һүгуглары өһдәликләринә әсасән, башгаларынын әсас һүгуг вә азадлыглары, иҹтимаи әхлагы, сағламлығы, низам-интизамы вә ја тәһлүкәсизлији илә гаршыдурмада һәр һансы һәрәкәтин гаршысыны алмаға борҹлудурлар.
342/
19 dekabr 2021 - 13:05
Xəbər kodu: 1210115
Иран Франса мүсәлманларына гаршы ганунлар тәтбиг етмәсинә ҝөрә, бу өлкә һөкумәтини тәнгид едиб.
