АБНА24 Хәбәр Верир, Фәрһан Һәгг јерли вахтла чәршәнбә ҝүнү журналистләр гаршысында Атом Енержиси үзрә Бејнәлхалг Аҝентликлә анлашма истигамәтиндә Иранын атдығы көнүллү аддым барәдә белә дејиб: Биз Иранын аҝентликлә конструктив анлашма үзрә һәр һансы сәјини алгышлајырыг вә МАГАТЕ-дәки һәмкарларымызла бу ҹавабы арашдырмагдајыг.
Фәрһан Һәгг әлавә едиб: БМТ-нин баш катиби вә онун мүавини Америкадан, нүвә анлашмасында мүәјјән едилмиш санксијаларын ләғвини вә Иранын нефт тиҹарәти үзрә истисналарын узадылмасыны, Ирандан исә нүвә анлашмасындакы өһдәликләринә зидд һәрәкәтләрдән ҝери дөнмәсини истәјибләр.
БМТ баш катиби сөзчүсүнүн мүавини гејд едиб ки, тәрәфләр мүзакирә апармагдадырлар вә онларын өзләринин санксијаларын ләғви тәрзи вә нүвә анлашмасындакы өһдәликләрә гајыдыш барәдә гәрара ҝәлмәләринә иҹазә вермәлијик.
Иран Ислам Республикасынын хариҹи ишләр назири Һүсејн Әмир-Абдуллаһијан билдириб ки, Иран дүнән ҝеҹә аҝентликлә јахшы разылашма әлдә едиб вә бу, Иранын сүлһмәрамлы нүвә програмы барәдә бәзи иддиа едилән ниҝаранчылыглары арадан галдыра вә аҝентликлә гаршылыглы әмәкдашлыгларын давам етмәсинә ҝәтириб чыхара биләр.
Американын нүвә анлашмасына гајыдышы үзрә мүзакирәләр Вјанада нүвә анлашмасы үзрә бирҝә комиссија формасында ики вә чохтәрәфли груплар сәвијјәсиндә давам едир.
Иран билдирибдир ки, јалныз Американын бүтүн гејри-гануни санксијаларынын ләғви үчүн јахшы разылашмаја чатмаг мәгсәдилә Вјана мүзакирәләриндәки иштиракыны давам етдирәҹәк.
Тәрәфләр индијәдәк мүзакирәләрин үмуми атмосферини конструктив адландырыблар.
342/
16 dekabr 2021 - 15:06
Xəbər kodu: 1209299
БМТ баш катиби сөзчүсүнүн мүавини Теһранын, Кәрәҹ шәһәриндә јерләшән Теса комплексиндә зәрәр чәкмиш камераларын јени камераларла әвәз олунмасына иҹазәнин верилмәсинә даир көнүллү аддымыны алгышлајыб.
