АБНА24 Хәбәр Верир, Италијанын Раи-1 каналынын журналисти Стефанија Баттистинин өтәнилки 44 ҝүнлүк мүһарибәдән бәһс едән филми јајылыб.
филмдә јалныз вә јалныз ермәни тәрәфинин, даһа доғрусу, ермәни омбудсман Арман Татојанын фикирләри, онун тәгдим етдији кадрлара истинад едилиб вә бүтөвлүкдә азәрбајҹанлыларын вәһши образынын јарадылмасына ҹәһд ҝөстәрилиб.
Ермәни әсҝәр мејитләринин башыны кәсмәкдән тутмуш фосфор бомбаларындан истифадәјә, террорчуларын Азәрбајҹан тәрәфдә “дөјүшмәсинә” гәдәр кадрларын топлашдығы “филмдә” фактын арашдырылмасы үчүн мүәллиф һеч бир ҹәһд етмәјиб, гаршы тәрәфин мөвгејини өјрәнмәјиб. “Филм” јалныз Татојанын јанында отуруб, онун компүтер вә телефонундан тәгдим етдији вә әлбәттә ки, сахталашдырылан фактларын үзәриндә гурулуб.
Филмдә Азәрбајҹан Республикасы ермәниләрә гаршы фосфорлу бомбалардан истифадә етмәкдә дә иттиһам олунур. Филмдә исә һәмин бомбаларын атылмасыны әкс етдирән кадрлар јајылыр вә бунун азәрбајҹанлылар тәрәфиндән едилдији билдирилир.
Гејд едәк ки, Азәрбајҹан Республикасы Авропа дөвләтләринин 44 ҝүнлүк мүһарибә дөврүндә тутдуглары анти-Азәрбвајҹан мөвгеләринин онларын зијанына олдуғуну нүмајиш етдирмәк үчүн мүһарибәдән дәрһал сонра Италија илә јени сазишләр имзалды вә бу өлкәнин Азәрбајҹана гаршы мөвге тутмадығы үчүн онунла әмәкдашлыгларын даһа да ҝенишләндирииләҹәјини билдирди.
44 ҝүнлүк мүһарибә дөврүндә Авропа медиаларынын әксинә олараг Раи-1 каналы да кәскин ермәнипәрәст мөвге тутмамышды.
Инди һәмин телеканалын диҝәр Авропа медиаларыны көлҝәдә гојмасы Италијанын да бу саһә дә диҝәр гәрб дөвләтләриндән фәргләнмәдијини нүмајиш етдирир.
Анти-Азәрбајҹан мөвгеләриндә өндә ҝедән Франса гаршысында ҝүзәштә ҝедән Азәрбајҹанын Италијаја гаршы һансыса реаксија ҝөстәрәҹәји инандырыҹы ҝөрүнмүр.
342/
13 dekabr 2021 - 13:42
Xəbər kodu: 1208130
Бүтүн гәрб дөвләтләри арасында 44 ҝүнлүк мүһарибә дөврүндә анти-азәрбајҹан мөвгедән чыхыш етмәјән јеҝанә өлкә Италија да өз ич үзүнү ҝөстәрмиш олду. Италијанын Раи-1 телеканалындан Азәрбајҹан Республикасынын вәһши образынын јарадылмасына ҹәһд ҝөстәрилиб.
