АБНА24 Хәбәр Верир,һәлә саат 15:00-а планлашдырылан аксија башланмадан өнҹә тәшкилатчылар - ҝәнҹ фәаллар Илкин Рүстәмзадә вә Мете Түкрсој сахланылыблар.
Саат 15.00-а јахын полис "Салеһ бәјә азадлыг!", "Салеһ бәји өлдүрмә, азад ет!» шүарларыны сәсләндирәнләрин һамысыны сахламаға башлајыб.
Тәхминән 20-25 нәфәр сахланылыб. Сахланыланлар арасында Демократик Гүввәләрин Милли Шурасынын үзвү Тофиг Јагублу, онун гызы Ниҝар Һәзи, Азәрбајҹан Халг Ҹәбһәси Партијасынын фәалы Диларә Миријева вә башгалары вар.
Аксијадан әввәл тәшкилатчылар онун гәтнамәсини јајыблар.
Сәнәддә "26 ҝүндүр аҹлыг едән Салеһ Рүстәмлинин азад едилмәси” илә бағлы тәлбләр вар.
"Биз һесаб едирик ки, Салеһ бәјин һәбси сијаси сифариш вә сијаси гәрәзлилик әсасында һәјата кечирилиб. Һөкумәт һеч бир һалда ҝүҹ структурларынын сәлаһијјәтләриндән өз рәгибләринә гаршы конститусијаја зидд шәкилдә истифадә етмәмәлидир”, - гәтнамәдә дејилир.
Сонра Рүстәмлинин “критик вәзијјәтдә" олдуғу гејд едилир.
"Бу ҝүн азад едилмәсә, сабаһ ҝеҹ ола биләр", - мәлуматда дејилир.
"Сијаси мотивләрлә һәбс едилмиш шәхсин аҹлыг нәтиҹәсиндә өлүмү һөкумәт үчүн ағыр јүк олаҹаг. Биз виҹданлы вәтәндашлар олараг Салеһ Рүстәмлинин дәрһал азадлыға бурахылмасыны тәләб едирик", - гәтнамәдә билдирилир.
Азәрбајҹан Халг Ҹәбһәси Партијасынын тәрәфдары Салеһ Рүстәмли 2018-ҹи илин мајында һәбс едилиб вә " Азәрбајҹан Халг Ҹәбһәси Партијасынын ганунсуз малијјәләшдирилмәси" адланан иш үзрә 7 ил 3 ај мүддәтинә азадлыгдан мәһрум едилиб. Һүгуг мүдафиәчиләри ону сијаси мәһбус кими таныјыблар. Сонрадан Али Мәһкәмә ҹәза мүддәтини 2 ај азалдыб. Нојабрын 6-дан азалдыға бурахылмасы тәләбилә мүддәтсиз аҹлыг едир.
342/
2 dekabr 2021 - 04:52
Xəbər kodu: 1204311
Полис Ҝәдәбәј Рајон Иҹра Һакимијјәтинин кечмиш рәһбәри, 26 суткадыр аҹлыг едән Салеһ Рүстәмлинин азад едилмәси тәләбилә Бакынын мәркәзиндә, Фәвварәләр Мејданында кечирилән динҹ аксијанын гаршысыны сәрт шәкилдә алыб.
