Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Арахис вә ја јер фындығы ән зәрәрли чәрәзләрдән һесаб олунур.
Бу барәдә русијалы диетолог Светлана Панченко хәбәрдарлыг едиб.
Онун сөзләринә ҝөрә, әслиндә бир чохларынын һесаб етдији кими арахис фындыгкимиләрә аид дејил:
“Арахис әслиндә пахлалылар аиләсинә аиддир вә јердә битир. Мәнфи ҹәһәтләрдән бири - ән чох ҝүҹлү аллерҝенләрдән бири һесаб олунмасыдыр. Торпагда бөјүдүјүндән, о, тез-тез инсан сағламлығына мәнфи тәсир ҝөстәрә билән киф ҝөбәләрләринин , бу исә инсан сәһһәтинә мәнфи тәсир ҝөстәрә биләр”, - дејә Панченко изаһ едиб.
О, истәниләр гоз-фындыгларын тәркибиндә дә, арахисдә дә фитин туршусу олдуғу барәдә хәбәрдарлыг едиб:
“Бу гидада олан бир сыра микроелементләрин, мәсәлән, дәмирин мәнимсәнилмәсинә мане олур. Буна ҝөрә дә, чиј гоз-фындыглары јемәкдән әввәл бир нечә саат исладыб сонра гурутмаг даһа јахшыдыр”, - дејә дијетолог сөзләрини јекунлашдырыб.
Гејд едәк ки, садаланан хүсусијјәтләрә бахмајараг, јерфындығынын бир сыра фајдалы хүсусијјәти дә вар. Арахис мәрҹи, лобја, нохуд, соја кими биткиләрин јахын гоһумудур, бу сәбәбдән үрәк вә дамарлар үчүн чох фајдалы мәһсулдур.
Һәфтәдә 6 ҝүн 1 овуҹ (тәхминән 30 гр) арахис јејән инсанларда үрәк-дамар системи хәстәликләринин вә бу хәстәликләрдән өлүмүн риски 30% азалыр. Алимләр буну арахисин тәркибиндә олан магнезиум, фитостерол вә фол туршусу илә изаһ едирләр.
Магнезиум - дамарлары ҝенишләндирир вә бунунла да артериал тәзјиги ашағы салыр. Бу исә бир чох үрәк-дамар системи хәстәликләринин профилактикасыдыр.
Фитостерол - пис холестеролун сәвијјәсини ашағы салыр вә бунунла да атеросклерозун инкишафынын гаршысыны алыр. Атеросклероз заманы дамарларда холестерол јығылыр ки, нәтиҹәдә дамарлар даралыр, онларын еластиклији позулур. Атеросклероз үрәк-дамар системи хәстәликләринин әсас сәбәби сајылыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
