АБНА24 Хәбәр Верир, Русија Украјна илә сәрһәдә техника јығмаға давам едир.
Мәлуматда дејилир ки, Ростов вилајәтиндә Украјна сәрһәдләри истигамәтиндә ирәлиләјән даһа бир нечә јүз танк, о ҹүмләдән диҝәр чохсајлы һәрби техниканы дашыјан дәмирјол ешалонлары ҝөрүнүб. Шаһидләрин чәкдикләри вә сосиал шәбәкәләрдә јерләшдирдикләри кадрлара әсасән бунлар Т-72Б2 вә Т-72Б3 әсас дөјүш танкларыдыр. Һабелә дәмирјол платформасы боју дүзүлмүш “Ураган” вә “Град” реактив јајлым атәши системләри, радиоелектрон мүбаризә васитәләри вә бир чох јардымчы техника ҝөзә дәјир.
Илкин тәәссүрат бундан ибарәтдир ки, Русија һәрби ҝүҹү илә Украјнаны горхутмаға чалышыр ки, әҝәр Украјна ордусу Донбаса дахил олса, рус ордусу да тәрәддүд етмәдән ора дахил олаҹаг. Бу да ики өлкә арасында мүһарибәјә ҝәтириб чыхара биләр.
Гејд едәк ки, Русија Донбасда јашајанлара рус паспортлары пајлајыб. Бу исә о демәкдир ки, орада јашајанлара бир шеј олса, Русија мүдафиәчи ады алтында ора дахил ола биләр. Буна бахмајараг, Украјна өз әразиләрини бәрпа етмәјә чалышыр вә Донбас Украјна үчүн әсас мәсәләдир. Украјнада анлајырлар ки, әрази бүтөвлүјүнү тәмин етмәдән Украјнанын бүтөвлүјүнүн инкишафыны тәмин етмәк чәтин олаҹаг. Анҹаг гаршы тәрәф јәни Русија Украјнадакы марагларындан ҝери чәкилмәк нијјәтиндә дејилдир. Сон заманлар Украјнанын Донбас әразисиндә бир сыра һәрби әмәлијјатлар кечирмәси, һәтта Бајракдар ПУА-ларындан истифадә етмәси Русијаны чох нараһат едиб. Кремлдә дүшүнүрләр ки, бу ҝенишмигјаслы һәрби әмәлијјатлара һазырлыгдыр. О сәбәбдәндир ки, Русија Украјна сәрһәдләринә чохлу сајда һәрби техника вә әсҝәр топлајыб.
342/
23 noyabr 2021 - 04:33
Xəbər kodu: 1201300
Русијанын Украјнаја гаршы һүҹума һазырлашмасы барәдә иддиалар вар.
