АБНА24 Хәбәр Верир, 20-ләр групунун икиҝүнлүк саммити Италијанын Рома шәһәриндә ишә башлајыб.
Хатирә шәклинин чәкдирилмәси мәрасиминдә бу група үзв өлкәләрин башчыларынын дурдуглары мәкан елә олубдур ки, Америка президенти Ҹо Бајден фотонун мүмкүн олан ән кәнар нөгтәсиндә гәрар тапыбдыр.
Дүнјанын 20 ән үстүн игтисади ҝүҹүнүн лидерләри Италијанын пајтахты Рома шәһәриндә бир араја ҝәлибләр ки, диҝәр бејнәлхалг олајларын кәнарында ики мүһүм бөһран кими, иглим дәјишикликләри вә корона пандемијасы барәдә чарә фикирләшиб, фикир мүбадиләси апармыш олсунлар.
Експертләр бу гәнаәтдәдирләр ки, 20-ләр групунун саммити вә базар ертәси ҝүнүндән етибарән, Инҝилтәрәнин Глазго шәһәриндә кечирилмәли олан бејнәлхалг иглим конфрансынын нәтиҹәси дүнја бөһранларынын азалмасында тәјинедиҹи рол ојнаја биләр.
Ромада 20-ләр групунун саммитинин кечирилмәсилә бир заманда италијалылар аксија кечирибләр.
Аксијачылардан бири белә дејиб: Биз 20-ләр групу лидерләринин өлкәмиздәки иштиракына гаршыјыг. Бу өлкәләр дүнјада истихана газларынын сәксән фаизиндән чохунун истеһсалында мәсулијјәт дашыјырлар.
Белә бир һалда, әтраф мүһит фәалларындан онларла нәфәр Романын ҹәнубунда, бу саммитин кечирилдији мәкана чыхан күчәнин дөшәмәсиндә пикет кечирмәклә иглим шәраити барәдә тәҹили тәдбирләрин ҝөрүлмәсини тәләб едиб.
Нүмајишдә бир груп аксијачы өз шүарында Фәләстин халгына дәстәк вериб, фәләстинлиләрин аҹынаҹаглы вәзијјәти гаршысында Гәрбин лагејдлији вә сүкутунун давам етмәсини писләјибдир.
342/
1 noyabr 2021 - 05:01
Xəbər kodu: 1194229
Ромада 20-ләр групунун саммитинин ачылышында өлкәләрин башчылары вә рәсмиләри хатирә шәкли чәкдирибләр вә АБШ президенти бу фотонун ән кәнар нөгтәсиндә гәрар тапыб.
