Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, дүнән ҝеҹә Талибан мәғлуб олдугдан сонра дөјүшләр бу ҝеҹә јенидән башлајыб, тәхминән ики јүз Талибан Пәнҹширин гәрбиндәки Һавак кәндиндә мүһасирәјә алыныб. Мүгавимәт гүввәләри онларын ҝери дөнмәк үчүн јолларыны бағлајыблар, талибан гүввәләринә гаршы пусгу гурулур. Талибан мүһасирәни јармаг истәјир, дөјүшләр ҝедир.
Јерли ресурсларын вердији мәлумата ҝөрә, мүгавимәт гүввәләринин дүнән ҝеҹә әлә кечиртдији Пәрван әјаләтинин мәркәзи Чарикар шәһәриндә дә атәш сәсләри ешидилиб.Бир аз ҹәнубда, Кабилдән 40 км шималда Баҝрам һава лиманы вар, орадан да атәш сәсләринин ешидилдији дејилир.
Сосиал шәбәкәләрдә ҝедән мәлумата ҝөрә, Талибан һаваја атәш ачыр, Пәнҹшири алдыглары барәдә шајиәләр јајырлар. Анҹаг буна бахмајарг Пәнҹшир әјаләти вә мәркәзи Әһмәд Мәсуд гүввәләринин нәзарәти алтындадыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
