АБНА24 Хәбәр Верир, мәлуматда дејилир ки, сүлһмәрамлылар “шәрти дүшмәнин пилотсуз авиасијадан истифадә едилмәклә мүмкүн позунтуларынын гаршысынын алынмасы вә Лачын дәһлизи боју мүшаһидә постларында тәһлүкәсизлијин тәмин едилмәси” үзрә мәшг кечибләр.
Мәшғәләләрин 6 тәлим мәнтәгәсиндә кечирилдији билдирилир. Тәлим заманы һәрби гуллугчулар јени тактики фәндләр вә јерләшмә әразисиндән чыхыш заманы јени фәалијјәтләр иҹра едибләр.
Гејд олунур ки, индики тәлимләрин хүсусијјәтләри мүшаһидә постунун мәсулијјәт зонасында пилотсуз учан апаратын ашкар едилмәси вәзифәләринин јеринә јетирилмәси олуб. ПУА ашкар едилмәси барәдә мәлумат гапалы рабитә каналлары илә Русија сүлһмәрамлы континҝентинин идарәетмә мәркәзинә өтүрүлүб.
Сүлһмәрамлы континҝентин нүмајәндәси Владислав Воробјов билдириб ки, шәхси һејәт зиреһли техниканын дәстәји илә дөјүш мөвгеләри тутуб, мөвгеләрә һәрәкәт едиб.
Гејд едәк ки, Русија сүлһмәрамлы континҝенти вахташыры олараг бу ҹүр тәлимләр кечирирләр. Индики тәлимләр исә Ҝорус-Гафан јолунун Азәрбајҹан әразисиндән кечән һиссәләринин мүвәггәти бағланмасындан сонраја тәсадүф едир. Һәмин ҝүнләрдә ермәни КИВ-ләри јазмышдылар ки, Лачын дәһлизи боју Русија сүлһмәрамлылары ҝүҹләндирилмиш нөвбәтчилик һәјата кечирирләр вә аз гала һәр километрдән бир патруллар јерләшдирилиб.
Үмумиликдә русијалы сүлһмәрамлыларын шүбһәли фәалијјәтләри һеч бир һалда Азәрбајҹан Республикасынын һөкумәтини вә халгыны гане етмир. Бу фәалијјәтләр сырасында ермәни һәрби бирләшмәләринә тәлим кечмәк, онлары Лачын дәһлизи васитәсилә Ханкәндинә гәдәр мүшајиәт етмәк вә һуманитар јардым ады алтында сепаратчылара гајғы ҝөстәрмәк рәсми Бакынын диггәтиндән кәнарда галмлыр вә онларын өз сәлаһијјәтләрини ашдыгларына даир ҹидди шүбһәләрә јол ачыбдыр.
Мараглыдыр ки, Кремл Азәрбајҹанын етиразларына нәинки мәһәл гојмур, һәм дә ермәниләри дәстәкләмәји өзүнүн суверен һаггы һесаб едир. Дүнән исә президент Илһам Әлијевин Шушада бир нечә лајиһәнин истифадәјә верилмәсиндә шәхсән иштирак етмәси фонунда русијалы сүлһмәрамлыларын Лачән Дәһлизиндәки мәшги бирбаша Азәрбајҹана месаж, сепаратшылары исә психоложи сыхынтыдан хилас етмәк ҹәһди кими баша дүшүлә биләр.
342/
31 avqust 2021 - 16:13
Xəbər kodu: 1175303
Русија Мүдафиә Назирлији Азәрбајҹан әразиләриндә јерләшдирилмиш сүлһмәрамлы континҝентин нөвбәти дөјүш тәлимләри илә бағлы мәлумат јајыб.
