АБНА24 Хәбәр Верир, НАТО өлкәләринин хариҹи ишләр назирләринин Әфганыстандакы вәзијјәтлә бағлы телеконфрансындан сонра алјансын Баш катиби Јенс Столтенберг журналистләрин суалларыны ҹавабландыраркән дејиб ки,“НАТО Әфганыстандакы миссијасыны тамамлады, мүттәфигләр инди јалныз Кабул һава лиманынын әразисиндәдир”.
Јенс Столтенберг һәмчинин Әфганыстандакы Һәмид Карзај Бејнәлхалг Һава Лиманынын тәһлүкәсизлијинә вердији дәстәјә ҝөрә АБШ вә Британијаја еләҹә дә Түркијә вә Азәрбајҹана тәшәккүрүнү билдириб.
"Һазырда дүнјанын ҝөзү Әфганыстандадыр. Ҝүн әрзиндә фасиләсиз олараг тәхлијә ишләри апарырыг. Түркијә бу просесдә ачар ролу ојнајыр. Хүсусилә, Түркијә, АБШ вә Бөјүк Британијаја тәшәккүр едирәм. Азәрбајҹана да һава лиманынын тәһлүкәсизлијинин тәминатында ојнадығы рола ҝөрә миннәтдарыг", - Ј.Столтенберг билдириб.
Јенс Столтенбергин Түркијә вә Азәрбајҹана тәшәккүрү белә бир тәсәввүр јарадыр ки, Түркијә вә Азәрбајҹан әсҝәрләри НАТО һәрбчиләринин Әфганыстандан саламат гуртармалары үчүн сипәр ролуну ојнамагдадыр.
Бәзиләри Түркијәнин белә бир миссијаны өз үзәринә ҝөтүрмәклә реҝионда өз нүфузуну ҝүҹләндирмәк нијјәтиндә олдуғуну дејирләр. Бәс Азәрбајҹан Республикасы? НАТО-нун ишғалчы һәрбчиләринин тәһлүкәсиз гачышыны тәмин етмәк вә Түркијәнин еһтимал олунан мәгсәдләринә төһфә вермәк Азәрбајҹан Республикасынын милли мәнафејинә дә ујғундурму? Бу суал бу ҝүн Азәрбајҹан Республикасында ҝүндәмдә дурур вә она һәм мүсбәт һәм дә мәнфи ҹаваб верәнләр вар. Амма һәр ики груп азәрбајҹанлы әсҝәрләрин тәһлүкәсизлији бахымындан ниҝаран олдугларыны билдирирләр.
342/
21 avqust 2021 - 16:10
Xəbər kodu: 1171822
НАТО баш катиби алјансын Әфганыстандакы миссијасыны тамамладығыны елан едәрәк ејни заманда НАТО һәрбчиләринин тәһлүкәсиз тәхлијәсини тәмин етдикләринә ҝөрә Түркијә вә Азәрбајҹан Республикасына тәшәккүрүнү билдириб.
