АБНА24 Хәбәр Верир, Һәрәкатын сөзчүсү билдириб ки, Талибан дүнја аренасында һеч кимлә дүшмән мүнасибәт јаратмаг истәмир. О, әмин едиб ки, Талибан Әфганыстанын мүнагишә мејданы олараг галмасына иҹазә вермәјәҹәк.
Мүҹаһид 20 иллик мүбаризәдән сонра әҹнәбиләри говдугларыны вә өлкәни азад етдикләрини билдириб. О гејд едиб ки, "Талибан” һәрәкаты она гаршы мүбаризә апаранлардан гисас алмыр вә һамыны бағышлајыр.
Мүҹаһидин сөзләринә ҝөрә, өлкәдәки бүтүн сәфирликләр вә ГҺТ-ләрин тәһлүкәсизлији тамамилә тәмин олунуб. Талибан һеч кимин өлкә әразисини диҝәр дөвләтләрә гаршы һүҹумлар үчүн база олараг истифадә етмәсинә иҹазә вермәјәҹәјини дә сөз вериб.
Һәрәкат нүмајәндәси һакимијјәтин өлкәдә гадын һүгугларыны горујаҹағыны, ханымларын шәриәтә ујғун олараг актив һәјат тәрзи сүрмәсинә иҹазә вериләҹәјини бәјан едиб.
Бунунла јанашы, Талибан сөзчүсү, јени һөкумәтин өлкәнин игтисади дирчәлишинә диггәт јетирәҹәјини билдириб.
Мүҹаһидин сөзләринә ҝөрә, Талибан тәрәфиндән гурулан Әфганыстан һөкумәти, өлкәнин әввәлки һакимијјәт органларындан даһа јахшы фәалијјәт ҝөстәрә биләҹәк.
О, Талибанын јени бир һөкумәт гурмаг үчүн фәал шәкилдә чалышдығыны, һөкумәтдә бүтүн гүввәләрин тәмсил олунаҹағыны вурғулајыб.
342/
18 avqust 2021 - 15:09
Xəbər kodu: 1171005
Талибан һәрәкатынын сөзчүсү Зәбиһуллаһ Мүҹаһид илк дәфә олараг өтән ҝүн Кабилдә мәтбуат конфрансы кечириб.
