АБНА24 Хәбәр Верир, Азәрбајҹан ХИН-ин јајдығы Мәлумата ҝөрә, ҝөрүш заманы РФ Дөвләт Думасынын депутаты, Русија Либерал Демократ Партијасынын сәдри Владимир Жириновскинин “Комсомолскаја Правда” радиосунун “Итоги с Жириновским” програмынын ҹари илин 30 ијул тарихли бурахылышында Азәрбајҹанын дөвләтчилијинин вә рәһбәрлијинин үнванына сәсләндирдији гәрәзли вә тәһгирамиз фикирләри илә бағлы ҹидди нараһатлыг вә етираз мүвәггәти ишләр вәкилинин диггәтинә чатдырылыб, Жириновскинин мүнасибәтләрә зәрәр ҝәтирилмәсинә һесабланмыш мәсулијјәтсиз вә тәхрибат характерли ифадәләрин сәсләндирилмәсинин гәбуледилмәз олдуғу вурғуланыб.
Мәлуматда дејилир ки, сөзүҝедән хошаҝәлмәз һал илә бағлы гаршы тәрәфә Азәрбајҹан Хариҹи Ишләр Назирлијинин нотасы тәгдим олунуб.
Владимир Жириновски “Комсомолскаја Правда” радиосуна мүсаһибәсиндә Азәрбајҹан Республикасы илә Ермәнистан арасындакы ҝәҝинликләрин тәһлили заманы Русијанын артыг Русија империјасыны вә Совет Иттифагыны бәрпа етмәли олдуғуну вурғулајыб. Ҹәнуби Гафгаз бизим тәсир дајирәмиздәдир дејән Жириновски Азәрбајҹан Республикасы игтидарыны диктаторлугда ҝүнаһландырыб. О АБШ президенти Ҹо Бајденин истәсә Илһам Әлијеви ики һәфтә әрзиндә девирә биләҹәјини иддиа едиб вә белә бир дурумда садәҹә Русијанын Азәрбајҹан президентини хилас едә биләҹәјини хатырладыб. Русијалы депутат Азәрбајҹанла мүһарибәдә мәғлубијјәтә ҝөрә хијанәтдә иттиһам олунан Ермәнистан баш назири Никол Пашинијаны да Русијанын гуртардығыны дејиб.
Азәрбајҹан Республикасы Хариҹи Ишләр Назирлијинин Владимир Жириновскинин бу ачыгламасына ҝөрә Русијаја нота вермәсиндән сонра да Жириновски сусмајыб. О Азәрбајҹан Рәһбәрлијини сөз азадлығындан хәбәрсиз олмагда иттиһам едиб.
Бу илк дәфә дејил ки. РФ дөвләт думасынын бу депутаты Азәрбајҹан Республикасына гаршы белә сәрт бәјанатлар верир. Анҹаг онун сон мүсаһибәси Азәрбајҹан Республикасында һәм дөвләт сәвијјәсиндә һәм дә иҹтимаијјәтдә ҝениш реаксијалара сәбәб олуб.
"Жириновки сифаришләр јеринә јетирмәклә пул газаныр. Лаггыртыларына реаксија вермәклә онун рејтингини галдырырыг. Нијә? Клоуну игнор етмк лазымдыр." Бу сөзләри кечмиш хариҹи ишләр назири, политолог Тофиг Зүлфүгаров Русија ЛДП-нын лидери Владимир Жириновскинин Азәрбајҹанла бағлы сөзләринә ҹаваб олараг дејиб.
Амма Тофиг Зүлфүгаровун әксинә олараг Русија Федерасијасынын Кубан Дөвләт Университетинин һүгуг факүлтәсини фәргләнмә илә битирән Русијада илләр боју һаким вәзифәсиндә ишләмиш һүгугшүнас Аслан Исмајилов Жириновскинин сон ачыгламасына бу кими јанашмалары сәһв һесаб едир. О конкрет.аз-да дәрҹ олунан јазысында билдириб:
"Гәтијјәтлә дејирәм ки, В.Жириновскинин сәсләндирдији фикирләр мӱстәгил Азәрбајҹан дӧвләтинә тәһдид иди вә буну Русија һакимијјәти адындан сәсләндирирди."
342/
2 avqust 2021 - 18:40
Xəbər kodu: 1165913
Дүнән Русија Федерасијасы (РФ) сәфирлијинин Азәрбајҹанда мүвәггәти ишләр вәкили Азрәбајҹанын Хариҹи Ишләр Назирлијинә чағыртдырылыб.
