АБНА24 Хәбәр Верир, Түркијә мешәләриндәки ҝенишмигјаслы јанғынларда индијәдәк азы алты нәфәр һәјатыны итириб вә 400 нәфәрдән чох инсан јараланыбдыр.
Рәҹәб Тајјыб Әрдоған дејиб ки, һөкумәт рәсмиләри Түркијәјә зәрәр вурмаг мәгсәдилә мешәләри јандырмаг үчүн бир нәфәрин гәсдән һәрәкәт етмәси еһтималыны рәдд етрмирләр.
Түркијә президенти һәбс олунан шәхсин кимлији вә еһтимал олунан мәгсәди барәдә бир изаһат вермәјиб вә јалныз буну демәклә кифајәтләнибдир ки, бу шәхсин Муғла вилајәтинин Милас шәһәринин јахынлығындакы мешәни јандырмагда әли олубдур.
Биз јанғынларын дәлилләри барәдә әтрафлы тәһгигат апармагдајыг. Әҝәр өз ана дијарыны јандыра билән ҹинајәткарлар оларса, онлара ағыр ҹәзалар вериләҹәкдир.
Түркијә президенти дүнән јанғынларын баш вердији бөлҝәләрдә «фәлакәт бөлҝәси вәзијјәти» елан етмишди.
Өтән һәфтә Анталијада башланан Түркијәдәки јанғынлар сүрәтлә бу өлкәнин ҹәнуб бөлҝәләринә јајылмагдадыр.
Јанғынлар Мармарис вә Бодрум истираһәт шәһәрләриндәки отелләрин бир чохундан вә бүтүн саһил бөлҝәләриндән инсанларын ҝениш мигјасда бошалдылмасына баис олубдур.
342/
1 avqust 2021 - 19:16
Xəbər kodu: 1165593
Түркијә президенти билдириб ки, бу өлкәнин мешәләриндәки ҝенишмигјаслы јанғынларда әлинин олмасында шүбһәли билинән бир нәфәр һәбс олунуб.
