АБНА24 Хәбәр Верир, Меһди Мир Әшрәфи ҹари ҝүнәш илинин илк кварталында Иранын ихраҹат вә идхалатынын артмасындан хәбәр вериб. Билдириб ки, бу мүддәтдә Иран илә мүхтәлиф өлкәләр арасында дәјәри 29 милјард доллар олан әлли милјон 800 мин тон тиҹарәт малы мүбадилә олунуб.
Иран ҝөмрүјүнүн баш директору сонра дејиб ки, өтән илин мүвафиг дөврүндәки ихраҹат вә идхалатла мүгајисә, әмтәә малларында чәкидә ијирми бир, дәјәрдә исә 47 фаизлик артымы ҝөстәрир.
Мир Әшрәфи һәмчинин дејибдир ки, 38 милјон 300 мин тон хариҹи тиҹарәт мәҹмусундан Иранын гејри-нефт малларынын ихраҹат пајы он дөрд милјард 300 милјон доллар олубдур ки, бу да өтән ҝүнәш илинин мүвафиг дөврү илә мүгајисәдә чәки бахымындан 27, дәјәр ҹәһәтдән исә 65 фаиз инкишафа малик олубдур.
Иран ҝөмрүјүнүн баш директору Иранын ихраҹат малларынын јөнәлдији өлкәләри сыра илә, Чин, Ираг, Бирләшмиш Әрәб Әмирликләри, Түркијә вә Әфганыстан елан едибдир.
Иран ҝөмрүјүнүн баш директору ҹари ҝүнәш илинин илк кварталындакы идхалатын мигдары барәдә дә дејибдир ки, һәмин мүддәтдә дәјәри он дөрд милјард беш јүз милјон доллар олан он ики милјон беш јүз мин тон тиҹарәт малы өлкәјә дахил олубдур ки, бу да өтән илин мүвафиг дөврү илә мүгајисәдә чәки бахымындан беш, дәјәр ҹәһәтдән исә отуз ики фаиз артымдан хәбәр верир.
342/
30 iyul 2021 - 16:24
Xəbər kodu: 1164880
Иран ҝөмрүјүнүн баш директору өлкәнин ихраҹат вә идхалатынын артмасындан хәбәр вериб.
