АБНА24 Хәбәр Верир, сечкиләр әслиндә ҹәмијјәтдәки мөвҹуд имканлардан максимум истифадә едәрәк, бүтүн саһәләрдә ишләри ирәлиләтмәк үчүн демократијанын мәрһәләләриндән биридир. Сечкиләр милли сәвијјәдә кечирилир; Бу сәбәбдән, президент вә шураларлардан тутмуш Рәһбәрлик Хүбрәганы Мәҹлиси вә Ислами Шура Мәҹлисинә гәдәр бүтүн сечкиләрдә халгын иштиракы ән әһәмијјәтли мәсәләләрдән биридир.
Сечкиләр милли вә дини өлчүләрини, һабелә демократик систем гурма дәјәрләрини нәзәрә алараг, гурулушу ҝүҹләндирир вә өлкәнин идарәчилијиндә дә фәргли сијаси зөвгләрин фәалијјәтинә зәмин јарадыр. Иран халгы һәр бир сечкидә, фәргли зөвг вә бахышларына бахмајараг, өз сәси илә сечдији сијаси гурулуша ҝүвәндијини вә ону дәстәкләдијини ҝөстәрибдир.
Бу бахымдан, сечкиләрин кечирилмәси әһәмијјәтли бир һадисәдир вә бу әһәмијјәт мүәјјән бир дөвр вә ја замана аид дејил. Он үчүнҹү президент сечкиләри дә бу үмуми гајдадан мүстәсна дејил.
Ислам Ингилабынын Бөјүк Рәһбәри сечкиләрин әһәмијјәти барәдә бујурублар: "Сечкиләр рәһбәрлијә аид дејил, Ислами Ирана аиддир, Ислам Республикасы Гурулушуна аиддир, һамы сечкиләрдә иштирак етмәлидир. Бу мәсәлә Ислам Республикасы Гурулушуну ҝүҹләндирәҹәк, онун сабитлијинини вә давамлылығыны тәмин едәҹәк вә өлкә там тәһлүкәсизлик һасары алтында олаҹаг".
Иран Ислам Республикасынын һәјатынын тәгрибән гырх иллик тәҹрүбәси вә халгын сечки сәһнәсиндә олмасы, бу мәсәләни сүбут едир ки, инсанлар сечкиләрдә һәр нә гәдәр әзәмәтли иштирак едәрләрсә, онун демократијанын динамиклији вә Ислам Республикасынын нүфузна тәсири бир о гәдәр өзүнү даһа габарыг ҝөстәрир. Сечкиләрдә вә өлкәнин сијаси талејини тәјин етмәкдә иштирак, садаланан ҹәһәтләрдән башга сијаси, сосиал вә гануни бир һүгуг кими дә әһәмијјәт дашыјыр вә демократијанын тәмәли һесаб олунур.
Бу һүгуг, "сечмә һүгугу", "мүгәддәратын тәјин олунмасында иштирак етмәк һүгугу" вә Ислам Республикасы Гурулушунда дини бир вәзифә вә мәсулијјәт кими таныныр.
Һәр һансы бир һүгугун хүсусијјәти ондан ибарәтдир ки, һүгуг саһиби ону мүдафиә етмәли вә һәр бир һалда бүтүн һүгугларыны тәләб етмәлидир, чүнки истәнилән етинасызлыг һүгугун итирилмәсинә сәбәб олаҹагдыр. Сечкиләрдә иштирак етмәк, бәсирәтлә вә намизәдләри таныјараг, сечим етмәк, ирәли сүрүлән намизәдләр арасында ән јахшы намизәдин сечилмәсинә көмәк едәҹәкдир.
Белә бир сечкинин нәтиҹәси өлкәнин милли марагларына ҹаваб верән ҝүҹлү вә сәмәрәли бир һөкумәтин гурулмасы олаҹагдыр.
342/
7 iyun 2021 - 13:36
Xəbər kodu: 1148407
Сечкиләр демократијанын ән ваҹиб символудур. Бу мүһүм феномен мүхтәлиф өлкәләрдә фәргли форматларда, фәргли мәгсәдләр вә функсијаларла һәјата кечирилир.
