АБНА24 Хәбәр Верир, Иран Хариҹи Ишләр Назирлијинин мәтбуат катиби дејиб: "Иран Ислам Республикасы мүбарәк Рамазан ајынын сонунҹу ҹүмәси вә Үмумдүнја Гүдс ҝүнүндә ишғалчы режим һәрбчиләринин мүсәлманларын илк гибләҝаһы Әл-Әгса мәсҹидинә һүҹумуну, фәләстинлиләрин шәһид олмасы вә јараланмасыны шиддәтлә гынајыр".
Сәид Хәтибзадә әлавә едиб: "Бу мүһарибә ҹинајәти ганунсуз сионист режимин ҹинајәткар маһијјәтини бир даһа дүнјаја ҝөстәрди вә инсан һүгугларынын ән фундаментал принсипләринин позулмасыны дајандырмаг үчүн тәҹили бејнәлхалг тәдбирләрин ҝөрүлмәсинин ваҹиблијини сүбут етди".
Иран Хариҹи Ишләр Назирлијинин сөзчүсү бу һадисәдә шәһид оланларын аиләләринә башсағлығы верәрәк, Иранын инсанлыға гаршы бу мүбаһисәсиз ҹинајәти гынајыб вә Бирләшмиш Милләтләр Тәшкилатыны (БМТ) вә диҝәр бејнәлхалг тәшкилатлары өз вәзифәләрини јеринә јетирмәјә чағырыб.
Сәид Хәтибзадә Иран Ислам Республикасынын Фәләстин халгынын јанында дурдуғуну билдириб вә бүтүн өлкәләри, хүсусән Ислам өлкәләрини тарихи вәзифәләрини јеринә јетирмәјә вә Фәләстин халгынын јанында тәҹавүзкарлара гаршы бирләшмәјә чағырыб
342/
8 may 2021 - 20:43
Xəbər kodu: 1139006
Теһран сионистләрин Гүдсдәки вандаллығыны гынајыр
