АБНА24 Хәбәр Верир, АБШ-да чыхан Аврасија Ривију мәҹмуәси бу барәдә јазыр: Јереван бу силаһы әлдә етдикдән сонра бир чох ермәни експерт “Исҝәндәр-Е” ракетләринин Ермәнистан үчүн мүһүм әһәмијјәт кәсб етдијини дејир, онун һәрби балансы Ермәнистанын хејринә дәјишдијини вурғулајырды. Вә инди мәлум олур ки, Икинҹи Гарабағ мүһарибәси заманы Азәрбајҹан гаршы “Исҝәндәр” ракетләриндән дә истифадә едилиб. Бу мүрәккәб мәсәлә илә бағлы илк ачыгламаны Ермәнистанын кечмиш Баш гәрарҝаһ рәиси, ҝенерал-полковник Мовсес Акопјан вермишди: “Бәли, мүһарибә заманы бу ракетләрдән дә истифадә олунуб, амма онларын һараја атылдығыны сөјләјә билмәрәм”. Даһа сонра Ермәнистанын баш назири Никол Пашинјан “Исҝәндәр” ракетләринин еффективлијини шәрһ едәркән, Русија истеһсалы олан “Исҝәндәр” баллистик ракетләриндән Дағлыг Гарабағ мүһарибәси заманы истифадә олундуғуну, лакин онларын партламадығыны демишди. Мараглыдыр ки, Азәрбајҹанын сабиг мүдафиә сәнајеси назири Јавәр Ҹамалов вахтилә Ермәнистанда “Исҝәндәр-Е” ракетләринин олдуғуну, лакин онларын истисмар мүддәтинин битдијини сөјләмишди. Лакин бу ҝүнләрдә Азәрбајҹан Республикасынын Минатәмизләмә Аҝентлији Шуша шәһәриндә “Исҝәндәр” ракетләринин галыгларыны ашкар едиб. Бунунла, “Исҝәндәр” дилеммасы јенидән мүрәккәбләшиб. Бәс “Исҝәндәр-М” ракетләринин галыглары Шуша шәһәриндә неҹә пејда олуб? Онлары Шушаја ким атыб? Бәзи експертләр һесаб едир ки, Русија Азәрбајҹан Ордусунун уғурлу һәрби әмәлијјатларына мане олмаг үчүн она гаршы “Исҝәндәр-М” ракетләриндән истифадә едә биләрди. Хатырладаг ки, тәрәфләр арасында һәрби әмәлијјатлар мәһз Кремлин мүдахиләсиндән сонра баша чатыб. Русија, Азәрбајҹан вә Ермәнистан лидерләри арасында өтән ил нојабрын 10-да үчтәрәфли бәјанат имзаланыб вә бунунла да Москва бөлҝәдә атәшкәсә, сүлһә зәманәт верән әсас дөвләтә чеврилиб
342/
