АБНА24 Хәбәр Верир, тәшкилатын баш директору Тедрос Гебрејесус билдириб ки, бу илин артыг биринҹи рүбү баша чатмагда олса да, 36 өлкә ваксинасија кампанијасына башлаја билмәк үчүн һәлә дә ҸОВАХ тәшәббүсү чәрчивәсиндә пејвәнд ҝөзләјир. Һәмин өлкәләрдән 16-сы нөвбәти ики һәфтә әрзиндә ҸОВАХ тәрәфиндән пејвәндлә тәмин олунаҹаг. Јердә галан 20 өлкә үчүн тәҹили шәкилдә 10 милјон доза пејвәнд тәләб олунур. Т.Гебрејесус бир сыра өлкәләрин истеһсал олунан демәк олар ки, әксәр пејвәнд континҝентини сатын алмасы нәтиҹәсиндә ҸОВАХ тәшәббүсү чәрчивәсиндә пејвәнд дозаларынын чатдырылмасынын чәтинләшмәсиндән шикајәтләниб. Гејд едилиб ки, бејнәлхалг ҸОВАХ тәшәббүсүнүн һәдәфи коронавируса гаршы пејвәнд дозаларынын дүнја өлкәләри арасында әдаләтли бөлүнмәсинә наил олмагдыр. Тәшәббүс тәсис едиләркән бу ил мај ајынын сонунадәк дүнјанын јохсул өлкәләри үчүн 238 милјон доза пејвәндин чатдырылмасы нәзәрдә тутулурду.
342/
