АБНА24 Хәбәр Верир, Ермәни дипломатлар бирҝә бәјанатла чыхыш едәрәк Ермәнистан Баш назири Никол Пашинјан вә онун һөкумәтинин истефасыны тәләб едибләр. Дипломатлар һөкумәт тәрәфиндән апарылан хариҹи сијасәтин өлкәни ҹидди тәһдидләр гаршысында гојдуғуну билдирибләр. Онларын фикринҹә, Русија илә мүттәфиглик мүнасибәтләринә лазыми диггәт верилмәјиб, Иран, Чин, Ҝүрҹүстан илә тәрәфдашлыг, һабелә АБШ, Авропа вә диҝәр өлкәләрлә чохшахәли әлагәләр дә фәал шәкилдә инкишаф етдирилмәјиб. Бүтүн бу амилләр бирләшәрәк 10 нојабр тарихиндә мәғлубијјәт сәнәдинин имзаланмасына сәбәб олуб. Ејни заманда сабиг сәфирләр вә хүсуси елчиләр вурғулајыблар ки, имзаланан сәнәдлә бағлы бир сыра суаллар мејдана чыхыр. Бунлара Дағлыг Гарабағын статусу, әразиләр, коммуникасијаларын блокадасы, әсирләр вә ҝировлар, өләнләрин ҹәсәдләринин дәјишдирилмәси, һәмчинин мәҹбури көчкүн вә гачгынларын гајтарылмасы һаггында мәсәләләр дә дахилдир. Онлар вурғулајыблар ки, ермәни дипломатлар лајигли данышыгларла бағлы зәмин һазырламаг үчүн ҹидди бир иш ҝөрмәјибләр. Дипломатларын фикринҹә, бу, јалныз Ермәнистан Баш назири вә һөкумәтинин истефа верәҹәји тәгдирдә мүмкүн ола биләр.
342/
