АБНА24 Хәбәр Верир, Әбдуррәһман Әл-Сәдис дүнән ҝеҹә бир мәлуматда Бөјүк Пејғәмбәр(с.ә.с)-ин гәбринин зијарәти вә Рөвзәји-Мүтәһһарә-дә илаһи фәризәнин әда едилмәси үчүн намазгыланларын иҹазә алмаларыны тәбрик едибдир. Әрәбистанын рәсми телевизијасы да бу ҝүн сәһәрин илк саатларында билдирибдир ки, бу өлкәнин мәсул шәхсләри једди ајдан сонра илк дәфә Әрәбистан вәтәндашларына вә һәмин өлкәдә јашајан шәхсләрә Мәккәдә јерләшән Мәсҹидулһәрам-да намаз гылмаг иҹазәси верибләр. Белә бир һалда, Әрәбистан Гырмызы Ајпара Тәшкилаты да зәвварлар вә намазгыланларын Рөвзәји-Мүтәһһарә-јә ҝириши лајиһәсинин иҹрасындан хәбәр верибдир. Рөвзәји-Мүтәһһарә Мәсҹидүл-Нәбинин бир һиссәси олараг, мүсәлманларын јанында јүксәк мөвгејә маликдир. Мәсҹидүл-Нәби вә Рөвзәји-Мүтәһһарәнин мәсул шәхсләри өтән март ајында коронавирус пандемијасынын нәзарәтә алынмасы мәгсәдилә бу мәканы бағламышдылар.
342/
