АБНА24 Хәбәр Верир, Иран Ислам Республикасынын Бакыдакы сәфирлији мүлки шәхсләрә вә мүлки мәркәзләрә едилән һүҹуму писләјәрәк ачыглама јајыб. Иран Ислам Республикасынын Бакыдакы Сәфирлији Азәрбајҹан Республикасынын мүлки шәхсләринә вә гејри һәрби објектләрә едилән һүҹумлар барәдә бир бәјанат јајараг, һәмин һүҹумлары гынајыб. Иран Ислам Республикасынын Бакыдакы Сәфирлији, Омбудсман Апараты да дахил олмагла Азәрбајҹан Республикасынын рәсми мәнбәләринә истинадла, Дағлыг Гарабағ бөлҝәси вә әтраф 7 рајонда Азәрбајҹан вә Ермәнистан арасында јени тоггушмалар далғасынын башланмасындан бәри 19 нәфәр ҝүнаһсыз инсанын өлдүрүлдүјүнә, 63 нәфәрын јараланмасына, 44 мүлки јер вә објектин вә 181 евин дағылмасына ишарә илә, мүлки бөлҝәләрә едилән артиллерија һүҹумларыны кәскин шәкилдә гынајыб. Бәјанатда дејилиб: “Иран Ислам Республикасынын Азәрбајҹан Республикасындакы Сәфирлији, инсан һүгугларына вә бејнәлхалг һуманитар һүгуга һөрмәт ҝөстәрилмәсинин ваҹиблијини вурғулајараг, силаһлы гаршыдурманы тәнзимләјән адәт, норма вә принсипләрә вә бејнәлхалг гајдалара, о ҹүмләдән Ҹеневрә Конвенсијаларына (1949) вә Әлавә Протоколларына (1977), хүсусилә Мүлки Горума Дөрдүнҹү Ҹеневрә Конвенсијасына риајәтин ваҹиблијини билдириб, Ҝүнаһсыз инсанларын һүгугларынын позулмасыны вә мүлки шәхсләрин өлдүрүлмәсини вә јараланмасыны, мүлки јерләрин, објектләрин вә мүлкләрин дағыдылмасыны вә зәрәр ҝөрмәсини гәтијјәтлә писләјир вә өләнләрин аиләләринә башсағлығы верир.”
342/
