АБНА24 Хәбәр Верир, Франсада президент Макронун игтисади сијасәтләри вә капитализм гурулушу илә мүхалиф оланлар бир даһа Парис күчәләринә ахын едибләр. Бу мәлумата ҝөрә Парис күчәләриндә "Сары Жилетлиләр" ҹәрәјаны илә Франса полиси арасында чыхан гаршыдурма заманы 150 нәфәр сахланылыб. Франса полиси наразы күтләни дағылышмаға мәҹбур етмәк үчүн ҝөзјашардыҹы газдан истифадә едиб. Русија Әл-Јәум бу барәдә јазыр: "Сары Жилетлиләр" јенидән Парис күчәләринә гајыдыр. Тәһлүкәсизлик рәсмиләри Парисдә тәһлүкәсизлик тәдбирләрини хејли ҝүҹләндирибләр. Бәзи күчәләр исә тамамилә бағланылыб. Јерли рәсмилә бу гәдәр инсанын күчәләрә ахын едәҹәјини ҝөзләмәдикләрини билдирирләр. Дејиләнләрә ҝөрә аксијада иштирак едәнләрин сајы минләрлә нәфәр олуб. Тәшкилатчылар гаршыдан ҝәлән ҝүнләрдә даһа ҝениш аксијаларын кечириләҹәјинин анонсуну верирләр. Бәзиләри исә Франса полисинин бу етираз аксијаларыны ҹиловлаја биләҹәјинә инаныр.
342/
