АБНА24 Хәбәр Верир Бу ҝүн, Һүсејн Ашурасы ҝүнүндә, гызылы азадсевәрлик бајрағынын далғаландығы ҝүндә Һүсејн шөвгү бүтүн Ислами Ираны бүрүјүб. Иранын вә диҝәр ислами өлкәләрин әзадар халглары Һүсејн(ә) Ашурасы ҝүнүндә синә вә зәнҹир вурма дәстәләри тәшкил етмәклә Кәрбәла шәһидләринин мәзлумлуғу үчүн матәм сахлајыблар. Әзадарлыг дәстә вә груплары мүнтәзәм сыраларда вә сәһијјә протоколларына риајәт едәрәк, бу ҝүн сәһәрин илк саатларындан зәнҹир вә синә вуруб, нөвһә охујублар. Онлар шәһидләр ағасынын вә онун сәдагәтли көмәкчиләринин матәминдә ҝөз јашлары ахыдыблар. Нөвһә охума, синә вә зәнҹир вурма, Һәзрәт Имам Һүсејн(ә) вә Һәзрәт Әбүлфәзл(ә)-ын шәхсијјәтләри вә јерләри барәдә чыхышларын едилмәси Ислами Иранын мөмин вә Һүсејни халгынын Һүсејн Ашурасы ҝеҹәси вә ҝүнүндәки мүһүм тәдбирләриндәндир. Бу ил бүтүн Ислами Иранда дини һејәтләр, мәсҹидләр вә әзадарлыг тәкјәләри коронавирус пандемијасына ҝөрә, өз мәрасимләрини ачыг һавада вә сәһијјә ҝөстәришләринә әмәл етмәклә кечирибләр. Имам Һүсејн (ә)-ын вә онун көмәкчиләринин шәһадәтләри ҝүнүндә Ашура намазы да үстүачыг мәканларда вә иҹтимаи мәсафәјә риајәтлә гылыныбдыр. Мәһәррәм ајынын ону, шәһидләр ағасы, дүнја шиәләринин үчүнҹү имамы, Һәзрәт Имам Һүсејн(ә)-ын шәһадәтинин илдөнүмү ҝүнүдүр. О һәзрәт 61-ҹи һиҹри гәмәри или мәһәррәм ајынын 10-да 57 јашында Кәрбәлада шәһид олуб.
342/
