АБНА24 Хәбәр Верир, Ираг Хариҹи Ишләр Назирлији бир нотада билдириб ки, Түркијәнин чәршәнбә ахшамы ҝүнү Ирагын шималына гаршы һүҹумларына етираз олараг, Түркијәнин Бағдаддакы сәфири Фатиһ Јылдызы чағыртдырыб вә Ирагын рәсми нотасыны она тәһвил верибдир. Ираг бу нотада Түркијәнин онун әразисинә гаршы тәҹавүздә вә Ирагын тәһлүкәсизлик гүввәләринин өлдүрүлмәсиндә мәсулијјәт дашыдығыны билдириб. Ираг милли тәһлүкәсизлик шурасы Түркијәнин Ирага гаршы һәрби һүҹумуну писләјәрәк, билдириб ки, Ираг вәтәндашларынын һимајә олунмалары вә тәһлүкәсизлијин мүдафиәси истигамәтиндә бүтүн васитәләрдән истифадә едәҹәкдир. Ираг милли тәһлүкәсизлик шурасы вурғулајыб ки, диҝәр өлкәләрин дахили ишләринә гарышмама вә гоншу өлкәләрлә динҹ јанашы јашама сијасәтинә садигдир, лакин бунунла белә, диҝәр өлкәләрин һәдәфә алынмалары истигамәтиндә Ирагын тәҹавүз мәканына чеврилмәсинә иҹазә вермәјәҹәкдир. Ираг милли тәһлүкәсизлик шурасы һәмчинин Түркијәнин бу өлкә әразисиндәки һәрби һәрәкәтләтинә етираз олараг, Түркијәнин мүдафиә назиринин вә диҝәр бир түркијәли һејәтин Бағдада сәфәрләрини ләғв едибдир. Ирагын сијаси рәсмиләри вә ираглы груплар да Түркијәнин Ираг Күрдүстаны бөлҝәсинә һүҹуму вә Ирагын бир нечә јүксәк рүтбәли сәрһәдчи забитини өлдүрмәсини писләјибләр. Онлар рәсми Бағдадын бу тәҹавүзләрин дајандырылмасы үчүн тәҹили тәдбирләр ҝөрмәсини истәјибләр. Түркијәнин чәршәнбә ахшамы ҝүнү Ирагын Әрбил вилјәтинин шималында Ираг сәрһәд гүввәләринин бир автомобилинә гаршы ПУА һүҹумунда Ираг тәрәфдән ики забит, ики әсҝәр дахил олмагла бу өлкәнин сәрһәд гвардијасы гүввәләриндән дөрд нәфәр өлдүрүлүбдүр.
342/
