АБНА24 Хәбәр Верир, «Економист» информасија порталынын прогнозуна әсасән демократ партијасы намизәдинин АБШ президент сечкиләри заманы електрал сәсләрдә гәләбә имканы 91 фаиздир. Бу сајт базар ҝүнү, гаршыдакы АБШ президент сечкиләринин нәтиҹәләринә даир бир модел јајараг, јазыб: Бу моделдә демократ партијасынын намизәди Ҹо Бајден чох бөјүк еһтимала ҝөрә, електрал калеҹ сәсләрдә һазыркы президент Доналд Трампы мәғлуб едәҹәк. «Економист» хәбәр һәфтәлијинин сајты прогноз едибдир ки, Бајден 91 фаизлә електрал сәсләрдә гәләбә газанаҹаг, һалбуки Трамп јалныз сәккиз фаизлик гәләбә еһтималына маликдир. Бајденин үмуми сәсләрдә гәләбә еһтималы да тәгрибән 20-дә 19 прогноз едилибдир ки, бу рәгәм Трамп үчүн 20-дә бир тәјин едилибдир. Бу дәјәрләндирмәјә әсасән, Бајден Трампын бир фаизи гаршысында үмуми сәсләрдә 99 фаиз галиб ҝәлмәк имканына маликдир. Сонда да сәсвермә ҝүнү үчүн прогноз едилибдир ки, Бајден сәсләрин 54, Трамп исә 46 фаизини әлдә емәк шансына маликдирләр. Америка президент сечкиләри ҹари ил нојабрын үчүндә кечириләҹәк. Президентин вә витсе-президентин сечилмәси просеси Америка конститусијасынын икинҹи маддәсиндә мүәјјән едилибдир. Електрал коллеҝија халгын вә конгресин сәсләринә әсасән, президенти сечир. Електрал вә ја сечиҹиләр коллеҝијасынын үмумиликдә 538 сәси вардыр ки, әҝәр бир намизәд 270 сәс газана биләрсә, сечкиләрин галиби олаҹагдыр. Трампын коронавирусла мүбаризәдәки зәиф фәалијјәти вә сон ҝүнләр анти-расист һәрәкатынын јатырылмасына дәстәк вермәси америкалыларын ҝениш наразылығына сәбәб олубдур.
342/
