Имам Заманла (ә.ҹ.) гыса танышлыг

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Истиснасыз олараг бүтүн Ислам фиргәләри “ахыр заман”да Пейғәмбәрин (с) сүлаләсиндән Меһди адлы бир шәхсин зүһур едиб дүнйаны һагг-әдаләтлә долдураҹағы барәдә тәсәввүрә маликдир.

Пейғәмбәрин (с) бу мәсәлә илә бағлы буйурдуғу рәвайәтләр онларын китабларында нәгл едилмиш, бу һагда шиә вә сүнни алимләри тәрәфиндән китаблар йазылмышдыр.

Һәмин рәвайәтләр мүәййән мәзһәбә хас олмайараг, бүтүн Ислам тәһгигатчылары тәрәфиндән гәбул едилән гәти вә “мүтәватир” рәвайәтләрдир. Һәтта “вәһһаби” кими ән тәәссүбкеш фиргә дә ону гәбул едир вә бу һәдисләрин “мүтәватир” олдуғуну тәсдигләйир.

Тарихи мәнбәләрдә ҝөстәрилир ки, о Һәзрәт (ә) 255-ҹи һиҹри-гәмәри илинин Шәбан айынын 15-дә ҹүмә ҝүнү Ирагын Самирра шәһәриндә дүнйайа ҝәлмишдир вә һал-һазырда йашайыр.

Ады “Муһәммәд”, күнйәси “Әбүлгасим”, ләгәби “Меһди”, “Саһибәззаман” вә “Гаим”дир.

О Һәзрәт һәйатда олдуғу һалда, ҝөзләрдән ҝизлидир вә елә бу дүнйада тәбии һәйат сүрсә дә, һеч ким ону танымыр.

Һөрмәтли атасы он биринҹи имамымыз Имам Һәсән Әскәри (ә), анасы исә Рум императорунун оғлу Јәшуанын гызы Нәрҝис хатундур.

Имам Меһдинин (ә) һәйаты үч дөврдән ибарәтдир:

1. Ҝизли һәйат дөврү: Һәзрәтин ҝизли һәйат дөврү тәвәллүдүндән атасы Имам Һәсән Әскәринин (ә) шәһадәтинә (беш йашына) гәдәр мүддәти әһатә едир.

2. Гейб дөврү: Имам Һәсән Әскәринин (ә) шәһадәтиндән башлайыб, Имам Меһдинин (ә) Аллаһын иҹазәси илә зүһур едәҹәйи дөврә гәдәр мүддәти  әһатә едир. Әлбәттә, гейб дөврү ики һиссәйә бөлүнүр:

а) Кчик (гысамүддәтли) гейб дөврү: 260-ҹы һиҹри-гәмәри илиндә Имам Һәсән Әскәринин (ә) шәһадәтә чатмасы илә Имам Меһдинин (ә) имамлыг дөврү вә бу тарихдән етибарән, о Һәзрәтин кичик гейб дөврү дә башлады. Кичик гейб дөврү 329-ҹу һиҹри илинә гәдәр, тәхминән, 70 ил давам етди.

б) Бөйүк (узунмүддәтли) гейб дөврү: Бу дөвр 329-ҹу һиҹри илиндән башламышдыр вә Аллаһын әмри вә ирадәси илә зүһур едәҹәйи ҝүнә гәдәр давам едәҹәк.

Гейд етмәк лазымдыр ки, шиәләр кичик гейб дөврүндә хүсуси нүмайәндәләр васитәсилә Имамла (ә) әлагә сахлайыр, илаһи вәзифәләрини өйрәниб, һәйатларыны да Имамын (ә) ҝөстәришләри истигамәтиндә тәнзим едирдиләр. Анҹаг бөйүк гейб дөврүнүн башланмасы илә бу әлагә кәсилир.

Бундан сонра мөминләр дини вәзифәләрини әлдә етмәк үчүн Имамын (ә) үмуми нүмайәндәләринә үз тутмалы олурлар. Бу нүмайәндәләр тәгвалы вә иманлы дин алимләри, бөйүк “мәрҹәи-тәглидләр”дән ибарәтдирләр. Бу айдын йол Имам Меһдинин (ә) йаздығы мәктубда ифадә олунмушдур. Имамын икинҹи хүсуси нүмайәндәси тәрәфиндән чатан бу мәктубун бир һиссәсиндә белә буйурулур:

وَ أَمّاَ الْحَوادِثُ الْواقِعَة فَارْجِعوا فيها إِلى رُواةِ حَديثِنا فَإِنَّهُم حُجَّتى عَلَيكُم وَ أَنَا حُجَّةُ اللهِ عَلَيهِم

...
“Ҝәләҹәкдә баш верәҹәк һадисәләр заманы (илаһи вәзифәләри әлдә етмәк үчүн) бизим һәдисләримизи нәгл едәнләрә (фәгиһләрә) мүраҹиәт един. Чүнки онлар мәним сизләрә һөҹҹәтим, мән дә онларын үзәриндә Аллаһын һөҹҹәтийәм...” (”Кәмалуд-дин”, ҹ. 2, фәсил 45, һәдис 3, сәһ.236.)


3. Зүһур дөврү (әсри): Гейб дөврү битдийи заман он икинҹи имам (ә) Аллаһын иҹазәси илә зүһур едәҹәк вә дүнйаны ҝөзәллик вә әдаләтлә долдураҹагдыр. Һеч ким онун нә вахт зүһур едәҹәйини билмәз. Рәвайәтләрдә онун зүһур заманыны тәйин едәнләрин вә “зүһур вахтыны билирәм” дейәнләрин йаланчы олдуглары нәгл едилмишдир.Гейд етмәлийик ки, әһли-сүннә мәзһәбиндә Меһди адлы дүнйа хиласкарына етигад фүруи-диндән сайылдығы һалда, шиә мәзһәбиндә үсули-диндән һесаб едилир. Имамиййә шиәләринин әгидәсинә әсасән, он ики имам силсиләси онунла сона йетир вә о, вәсиләрин сонунҹусудур.

Бәзи Ислам тәдгигатчылары әһли-сүннә васитәсилә Имам Меһди (ә) барәсиндә нәгл олунан һәдисләрин ики йүз, шиә васитәсилә нәгл олунан һәдисләрин исә минә йахын олдуғу гейд едилмишдир. Бу һәдисләр әһли-сүннә нәзәриндә “мүтәватир” адланса да, шиә нәзәриндә “мәзһәбин зәрури мәсәләси” һесаб едилир.

Бу һәдисләрдә вәд едилмиш бөйүк хиласкарын – Имам Меһдинин (ә) ашағыдакы хүсусиййәтләрә саһиб олмасыны айдынлашдырыр:

1. О, Ислам Пейғәмбәринин (с) ханәданы вә өвладларындандыр;

2. Имам Һүсейнин (ә) сүлаләсиндәндир;

3. Ислам Пейғәмбәриндән (с) сонра он икинҹи рәһбәрдир;

4. Имам Һәсән ибн Әли Әскәринин (ә) өвладыдыр;

5. Дүнйаны һагг-әдаләтлә долдураҹагдыр;

6. Бүтүн дүнйайа рәһбәрлик едәҹәкдир;

7. Онун дөврүндә зәифләр, мәзлумлар вә истисмара мәруз галанлар азадлыға чыхаҹаг, мүһарибәләрә сон гойулаҹаг вә дүнйайа сүлһ вә әмин-аманлыг һаким олаҹаг.

Бу һәдисләрә әсасән, Имам Меһди (ә) Аллаһын изн вердийи вахт зүһур едәҹәк вә онун ҹаһаншүмул вәзифәләри ашағыдакылардан ибарәтдир:

–Инсанларын дүнйаҝөрүшүндә йүксәлиш;

–елм вә сәнайедә тәрәгги;

–мүхтәлиф пешә вә саһәләрдә ингилаб;

–һәр бир дин вә мәзһәб ардыҹылларыны бир байраг алтында топламаг;

–сәрвәтләрин әдаләтли бөлҝүсү;

–игтисадиййатда рөвнәг (белә ки, дүнйада йохсул белә тапылмайаҹаг);

–һәр бир һаггын бәрпасы;

–йер үзүнү абадлашдырмаг;

–әмин-аманлыг;

–йерүстү вә йералты сәрвәтләри үзә чыхармаг...

Бүтүн бунлар тарихдә ҝөрүнмәйән бөйүк ингилабын әламәтләридир.

Амма дүнйа һәлә дә зүлм, һагсызлыг, тәҹавүзкарлыг вә айры-сечкилийин гурбаныдыр. Дүнйада баш вермиш мүһарибәләрин вурдуғу зийан вә зәрәрләри һесабламаг гейри-мүмкүндүр. Һәлә дә фиронлуг едәнләр аз дейил вә һәр ҝеҹә милйонларла инсан аҹ йатыр вә зинданлар ҝүнаһсыз инсанларла долур.
Бир сөзлә, дүнйа зүлм вә һагсызлыгдан партламаг үзрәдир. Мәһз о заман парлаг ҝүнәш булудлар архасындан ҝөрүнәҹәк! О заман булудлар тамамилә чәкиләҹәк! Днйа һәмин ҝүнүн интизарындадыр вә дейәсән, сүбһ йахындыр!
.............
340