АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын коронавирусун өлкәйә кечмәсинин гаршысыны алмаг мәгсәдилә һәйата кечирдийи тәдбирләр һаггында данышан Иранын сәһиййә назири Сәид Нәмәки дейиб: " Ҹүмә ҝүнү йанварын 31-дә "йол вә шәһәрсалма", "хариҹи ишләр", "мәдәни ирс, туризм вә әл ишләри сәнайеси" назирләри вә Иран ХИН мәтбуат катибинин иштиракы илә кечирилән тәҹили топлантыда Чин-Иран учушларынын мүвәггәти дайандырылмасы гәрара алыныб".
Онун сөзләринә ҝөрә, бу иҹласда һәмчинин, Чиндә олан иранлыларын ҝери гайтарылмасы үчүн хүсуси рейсләрин тәшкили гәрара алынды.
Иранын сәһиййә назири дейиб: "Иранын Сәһиййә Назирлийинин һәкимләри өлкәйә бүтүн дәниз, гуру вә һава ҝириш йолларында вәзиййәти нәзарәтдә сахламаг мәгсәдилә гәрарлашыблар вә индийә кими коронавируса йолухма һалы гейдә алынмайыб.
Назирин сөзләринә ҝөрә, бу гәрарлар мүвәггәти олаҹаг вә шәраит дәйишдикҹә Иранын фөвгәладә тәдбирләри нормал вәзиййәтә гайыдаҹаг.
Еписентери Чинин Уһан шәһәри олан коронавирусун йайылмасы фонунда индийә кими 213 нәфәр һәлак олуб.
Корунавируслар йүнҝүл грипдән тутмуш Сарс кими өлүмҹүл хәстәликләрин амили олан ҝениш вирус групуна шамил олунур.
Бу хәстәлийин әсас симптомларына гыздырма, өскүрәк, тәнҝнәфәслик вә кәскин респиратор синдрому дахилдир.
...........
340
2 fevral 2020 - 09:21
Xəbər kodu: 1007105
Иранын сәһиййә, мүалиҹә вә тибб тәһсили назири Чин вә әкс истигамәтдә учушларынын мүвәггәти дайандырылмасындан хәбәр вериб.
