АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мәһәммәд Ҹавад Зәриф авропалыларын “мүбаһисәләрин тәнзимләнмәси механизми”ндән истифадәләрини һүгуги ҹәһәтдән әсассыз, сийаси ҹәһәтдән исә стратежи сәһв адландырыб.
Нилс Аннен дә билдириб ки, Иран Ислам Республикасы илә әлагәләр авропалылар үчүн өнәмлидир. О, дейиб ки, Авропанын мөвгейи нүвә анлашмасыны мүдафиә вә һимайәдир вә үч Авропа өлкәсинин бәйанатынын руһу нүвә анлашмасыны позмаг дейилдир.
Алманийа, Инҝилтәрә вә Франса дүнән бир бәйанат йайараг, нүвә анлашмасындакы “мүбаһисәләрин тәнзимләнмәси механизми”ни фәал етдиләр.
Нүвә анлашмасындакы мүбаһисәләрин тәнзимләнмәси механизминә ҝөрә, һәр һансы бир өлкәнин бир тәрәфин бу мүгавиләни позмасы илә "әһәмиййәтли дәрәҹәдә уйғунсузлуг" иддиасы варса, иддиа чох етаплы, нисбәтән узун мүддәтли бир дөврдә арашдырылаҹаг.
Авропалылар иддиа едирләр ки, Иранын нүвә анлашмасы өһдәликләринин азалдылмасы чәрчивәсиндәки һәрәкәтләри мүбаһисәләрин тәнзимләнмәси механизмини фәаллашдырмаға зәмин йарадыб.
Алманийа, Инҝилтәрә вә Франса Американын 2018-ҹи ил майын 8-дә ганунсуз шәкилдә нүвә анлашмасындан чыхмасындан сонра вәд вердиләр ки, Иранын игтисади марагларыны тәмин етмәклә бу анлашманы горуйаҹаглар, амма онлар индийәдәк бу вәдләринин йеринә йетирилмәси истигамәтиндә һеч бир уғур газанмайыблар.
Иран дөвләти 2020-ҹи ил йанварын 5-дә бир бәйанатда Иранын нүвә анлашмасындакы өһдәликләринин азалдылмасы үзрә 5-ҹи вә сонунҹу аддымын атылдығыны елан етди.
...........
340
15 yanvar 2020 - 09:54
Xəbər kodu: 1002584
Иранын хариҹи ишләр назири Јени Деһлидә Алманийа федерал һөкумәтинин хариҹи ишләр үзрә мүшавир назири Нилс Аннен илә ҝөрүшдә авропалыларын өз өһдәликләри гаршысындакы сәдагәтсизликләрини кәскин тәрздә тәнгид едиб.
