Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ил Азәрбајҹанда кечирилән Формула 1 јарышларынын көнүллүләри јарышын 10 ил кечирилмәсинин планлашдырылдығыны сөјләјирләр. Көнүллүләр бу барәдә онлар үчүн кечирилән тәлимләрдә дејилдијини билдирибләр.
Мәсәлә илә бағлы Формула 1 Азәрбајҹан Гран Присиндән билдирилиб ки, һәләлик бунунла бағлы рәсми гәрар верилмәјиб:
“3 ил әввәл јарышлар башлајанда вурғуланмышды ки, Формула 1 өлкәмиздә 5 ил кечириләҹәк. Сонра өлкәмиз үчүн бу јарышын бир фајдасы олаҹагса, нөвбәти 5 ил дә кечирмә һаггына саһибик. Амма һазырда бунунла бағлы рәсми бир мәлумат јохдур”.
Гејд едәк ки, бу ил Формула 1 јарышлары 27-29 апрел тарихләриндә кечириләҹәк.
Диггәт: Хәбәрдән истифадә етдикдә мәнбәјә истинад лазымдыр