Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмәндә буилки јај програмларында Фәләстин мәсәләси мәркәзи вә идеоложи мәсәлә кими диггәт мәркәзиндә олуб.
Иман, елм вә ҹиһадла гарышан јај ајларында Јәмәнли ҝәнҹ нәсилләр Јәмәнин Әнсаруллаһ һәрәкатына бағлы јај тәлим мәркәзләриндә Гуран тәлимләри илә тәҹһиз едилир ки, бәсирәт вә шүурла досту дүшмәндән ајыра билсинләр, дин вә Ислам халгы гаршысында мәсулијјәтләрини дәрк етсинләр.
Бу мәсәлә јәмәнли ушаг вә јенијетмәләрин гәлбиндә елә гурулур ки, Фәләстини азад етмәк идеалы онларын шүурунда вә гәлбиндә бөјүк мәгсәдә чеврилир...
Әнсаруллаһ Һәрәкатынын Гадынларын Мәдәнијјәт Шурасынын јај курслары комитәсинин үзвү Һана әл-Дејләми бу курсларын мәзмуну илә бағлы Әл-Әһд хәбәр сајтына мүсаһибәсиндә дејиб:
“Јај мәркәзләриндә Гуран һифзи јарышларындан тутмуш Ислам ҹәмијјәтинин проблемләринә тохунан радио вә мәдәни програмлара гәдәр Гуран мәдәнијјәти илә бағлы мүхтәлиф програмлар тәгдим олунур.
Бу мәркәзләр “Әс-Сархә” шүарынын иллик мәрасимини јашатмагла јенијетмәләри Аллаһ дүшмәнләриндән азад олмаг анлајышы илә таныш едир. Јарандығы ҝүндән бәри милләтин әсл дүшмәнләрини, јәни Америка вә Исраили һәдәф алан бир шүар. Бу шүарын һәр тәкрары илә ушаг вә јенијетмәләрин гәлбиндә мүгәддәс бир гәзәб аловланыр.”
Әл-Дејләми бәзи јај мәркәзләриндә мәдәнијјәт вә инҹәсәнәт сәрҝиләринин кечирилмәсини дә хатырладыб вә дејиб:
“Бу сәрҝиләр Фәләстин халгынын зүлмүнү тәсвир етмәклә вә Јәмән халгынын гәләбә вә мүгавимәтини әкс етдирән ҝәләҹәк нәслин мәдәни шүурунун тәблиғиндә мүһүм рол ојнајыр.”
О, гејд етмәклә јекунлашдырыб:
“Јај курслары дүшмәнин јумшаг һүҹумуна гаршы маарифләндирмәнин вә дүшүнҹәнин ҝүҹлү галмасы үчүндүр. Бу програмлар Јәмән нәслини Гуран Мәдәнијјәти чәрчивәсиндә јетишдирмәклә онлара әсл азадлыг анлајышыны өјрәдир. Мәсулијјәтли вә өзүнү дүшүнмәјән, тәкҹә өз шәхси ҝәләҹәјини дејил, Ислам халгынын ҝәләҹәјини гурмаға чалышан нәсил.”
Sizin rəyiniz