Әһли-Бејт (әлејһимус сәлам) Хәбәр Аҝентлији – АБНА: Чәршәнбә ахшамы сәһәр саатларында Исраил режиминин нүмајәндәләри әсирләрин азад едилмәсинин дөрдүнҹү мәрһәләсиндә фәләстинли әсирләрин исраилли мәһбусларла мүбадиләсинә даир разылашманын иҹрасы һагда ачыглама верәрәк 33 фәләстинли әсирин азад едилдијини ачыглајыб.
Мәлумата ҝөрә, Офер һәбсханасындан азад едилән фәләстинли әсирләр өз евләринә гајыдаҹаглар.
Гејд едәк ки, бундан өнҹә, ҺӘМАС һәрәкаты фәләстинли әсирләрин сионист режимлә мүбадиләсиндә 3 фәләстинли гадын мәһбус вә 30 фәләстинли ушаг мәһбусун сионист режимин һәбсханаларындан азад едиләҹәјини билдирмишди.
Хатырладаг ки, Гәтәрин Хариҹи Ишләр Назирлији дә әсирләрин мүбадиләси разылашмасынын һәјата кечирилмәсиндә ҺӘМАС-ын 69 исраилли мәһбусу, сионист режимин исә 150 фәләстинли гадын вә ушағын азад етдијини ачыглајыб.
Бундан әлавә, сон разылашмаларда сионист режим илә Фәләстинин Ислами мүгавимәт һәрәкаты “ҺӘМАС” арасында Гәззә золағында 4 ҝүнлүк атәшкәс даһа ики ҝүн узадылдығы билдирилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!