Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Ајәтуллаһ
Нури Һәмдани Елми Һөвзәләрин бир груп дәвәтчиләри вә мүбәллиғләри илә ҝөрүшүндә
моизә етмәјин зәрурилијинә вә онун Ислам маарифинин вә Әһли-Бејт (әлејһимус-салам)
мәдәнијјәтинин јајылмасындакы ролуна ишарә едәрәк билдириб:
“Дәвәтчиләрдән хаһиш едирәм кибермәканда олан шүбһәләри мүәјјән етсинләр вә ҝәнҹ нәслә һәртәрәфли арашдырма илә ҹаваб версинләр вә бу тәһлүкәни фүрсәтә чевирсинләр. Бу ҝүн индики шәраитлә тәблиғат үләма вә руһаниләрин ән мүһүм вәзифәсидир... Јадымдадыр ки, бөјүк устадымыз Ајәтуллаһ Узма Буруҹерди (Аллаһ она рәһмәт етсин) “бәһаиликлә” мүбаризәнин бајрагдарына чеврилди вә бизә бу азғын мәзһәб һаггында маарифләндирмәји ваҹиб етди. Мән дә вәзифәмә иҹра етмәк үчүн Елми Һөвзәләрдә тәшкилатчылыг едәрәк елми мәҹллисләр тәшкил етдим.
О, даһа сонра дејиб:
“Бәзи инсанлар әзадарлыг мәрасимләринин секулјарлашдырылмасыны истәјирләр. Гејд едәк ки, Әһли-бејт (әлејһиссалам) даим залыма гаршы олуб, азғынлыг вә зүлм гаршысында сусмајыб. Бу ҝүн АБШ вә сионизим кими тәкәббүрлү гүввәләрин бәшәријјәтә неҹә зүлм етдијини, Ислам өлкәләрини неҹә мәһв етдијини һамымыз ҝөрүрүк, бунлары бәшәријјәтә танытдырмаг лазымдыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!