Әһли-Бејт (ә) Хәбәр Аҝентлији

мәнбә : ABNA24
cümə

2 iyun 2023

21:30:44
1370741

Кәндләрин гајтарылмасы проблем јаратмајаҹаг

Ермәнистан баш назири кәндләрин гајтарылмасынын Ермәнистан јолларына проблем јаратмајаҹағыны дејиб.

Ермәнистан әразисиндә елә анклав јохдур ки, онун гајтарылмасы илә һәлледилмәз јол проблеми јарансын. Бу сөзләри Ермәнистан Баш назири Никол Пашинјан Азәрбајҹана аид кәндләрин гајтарылмасы илә Ермәнистанын Иран вә Ҝүрҹүстана чыхыш јолларынын мәһдудлашаҹағы һагда суалы ҹавабландыраркән дејиб.

“Илкин версија кими Кәрки кәндини ҝөтүрәк. Бу кәндин гајтарыласы илә Ирәвандан Дәрәләјәзә вә с. јол мәһдудлаша биләр. Ҝөтүрәк ки, биз мәсәләјә һүгуги бахымдан јанашырыг. Әҝәр сијаси бахымдан мүәјјәнләшсә ки, бу кәнд Азәрбајҹана аиддир вә бу, хәритәләрлә тәсдигләнир, ону гајтармаг проблем дејил. Анҹаг Азәрбајҹанын, мәсәлән, Башкәнди гајтарыб, Кәркини алмаг истәдији һагда да факт јохдур”, - о билдириб.

Пашинјан дејиб ки, һәтта белә олса да, бу мәсәләни шиширтмәк олмаз, чүнки бу, һәлл едилмәси мүмкүн олмајан проблем јаратмајаҹаг:

“Әҝәр ордан јол олмаса, башга јердән јол олаҹаг. Һеч бир проблем јохдур”.

Баш назирин сөзләринә ҝөрә, Ермәнистан јол шәбәкәсини елә инкишаф етдирир ки, белә проблемләр јаранмасын.

Гејд едәк ки, Ермәнистан Баш назири Никол Пашинјан өнҹә Азәрбајҹана аид 8 кәнди “Азәрбајҹандакы анклавларла дәјишмәјә” һазыр олдуғуну билдирмишди. Бу бәјанат Ермәнистанын дахили јолларында бу өлкәнин Иран вә Ҝүрҹүстанла нәглијјатына проблем јарадаҹағы барәдә ниҝаранлыглара сәбәб олмушдур.

342/