Франс-Пресс Хәбәр Аҝентлији сәфир Лејла Абдуллајевата истинадән јазыр ки, ијунун 1-дә Кишинјовда Авропа Сијаси Бирлијинин саммити заманы Бакы вә Ирәван сүлһ сазиши имзалаја биләрләр.
“Үмид едирик ки, ијунун 1-дә Кишинјовда нәһајәт сүлһ мүгавиләси имзаланаҹаг. Бу, гачырылмамасы лазым олан тарихи мәгамдыр”, - дејә Лејла Абдуллајева билдириб.
Нәшрин дипломатик мәнбәләриндән верилән мәлумата ҝөрә, саммит чәрчивәсиндә Азәрбајҹан президенти Илһам Әлијев вә Ермәнистанын баш назири Никол Пашинјан Франса президенти Еммануел Макрон вә Алманија канслери Олаф Шолтс илә јүксәк сәвијјәли данышыглар апараҹаглар.
Иддиа олунур ки, ҹүмә ахшамы Кремлдә Азәрбајҹан, Русија вә Ермәнистан лидерләринин үчтәрәфли данышыглары сүлһ разылашмасына ҝәтириб чыхармајыб. Јалныз ҝәлән һәфтә јени үчтәрәфли данышыгларла бағлы разылыға ҝәлмәк мүмкүн олуб.
Мүстәгил политологлар исә бу гәнаәтдәдирләр ки, Русијанын нәзарәтиндән кәнар һансыса сүлһ мүгавиләсинин имзаланмасы мүмкүн дејил.
342/